Impezayag 3:20 - Manobo Western Bukidnon

²⁰ Pemineg kew su zini ad te g̵emawan niw is ebpenelehuzan. Ke zuen etew he ebpekezineg kediey ne ebpuwasan e zin, edseled a ne egkaan a zuma kandin, ne egkaan daan sikandin duma kediey.

Impezayag 3:20 Кръстосани препратки

Mateo 24:33

Iring din ded daan, emun egkeehè niw he egkengetuman en is langun kayi te migkag̵i ku, egketuenan niw he meg̵aan a ebpekelikù.

Lucas 17:8

Kenà, su iyan egkeg̵iyen nu is, ‘Penlùlù ke pa ne subai a kenikew wey a mekekaan. Ne wey ka mekekaan ke egkeipus a he egkaan.’ ”

Juan 10:3

Emun edseled sikandin, ebpuwasan te ebantey zutun te g̵emawan. Ne is menge kerehidu zin he ziyà te seled, egkekilala zan is lag̵eng din ne ed-umawen din sikandan pinaag̵i te menge ngazan dan, ne ibpeg̵uwè din sikandan.

Santiago 5:9

Kenè kew, menge suled, meked-eepesà su wey kenè kew mesiluti te Megbevayà. Meg̵aan en ebpekeuma is edsusi te menge ulaula ta; iring te ziyè en te g̵emawan.

Impezayag 19:9

Ne migkeg̵iyan a zutun te velinsug̵uen, ke sikandin te, “Isurat nu heini: Utew zeyzey is langun he ibpemetelavuk dutun te eseweey te nati he kerehidu.” Ne impelaus din haazà is lalag din te, “Iyan heini tutuu he menge Lalag te Megbevayà!”