Impezayag 22:4 - Manobo Western Bukidnon

⁴ Egkeehè dan is paras din ne haazà is menge sulug̵uen, edsuratan is menge vuked dan te ngazan din.

Impezayag 22:4 Кръстосани препратки

Mateo 5:8

Utew zeyzey sikandan is kenà egkezuwazuwa is gehinawa zan te kedtumana zan te meupiya he ulaula su iyan sikandan ebpekeahà keuzemà te Megbevayà.

Juan 12:26

Ke zuen etew he egkesuat he mehimu he sulug̵uen ku, kinahanglan he edsunuzen e zin, su ke hendei a ne zutun daan is sulug̵uen ku. Ne ke zuen edtuman te menge sug̵ù ku, edelig̵en sikandin te Amey ku he Megbevayà.

Juan 17:24

Amà, is menge etew he imbeg̵ey nu kediey, egkesuatan ku he ziyè dan mekeamur te kediey diyà te ed-ubpaan ku keuzemà wey zan maahà is mekeg̵eg̵ehem he anlag ku he imbeg̵ey nu kediey zengan te wazè pa tukuza heini is kelibutan. Umba mibeg̵ayan a kenikew te anlag su mahal a ziyan te g̵ehinawa nu.

1 Kurintu 13:12

Ne iring din ded daan, sikita, su g̵untaan iyan dà egketuenan ta is iring te alung he egepunen he egkeehè ta ziyà te peg̵elungan. Kenè te pa egkesavut is hustu. Iyan, keuzemà, kenà alung dà is egkeehè ta, kekenà, iyan en si Jesu Kristu is egkeehè ta. Ne zutun hustu mulà is kegkesevuta ta te langun iring te is Megbevayà, hustu is kegkesevuta zin kenita.

Hibriyuhanen 12:14

Himuwa niw is taman te egkehimu niw su wey melinew is kebpekidepitè niw te minsan hentei ne wey niw metuman is metazeng he ulaula su emun kenè ki metazeng kenè ta is Megbevayà egkeahà keuzemà.

Impezayag 14:1

Ne zutun neehè ku is buntud he Siyun ne zutun edhithitindeg sikan is nati he kerehidu ne zuma zin daan dutun is nenggatus wey kepatan wey heepat he libu he menge etew. Ne haazà is menge etew, insurat diyà te menge vuked dan is ngazan dutun te nati wey is ngazan daan te Amey zin he Megbevayà.

Impezayag 3:12

Is minsan hentei he ebpekezaag ki Setanas, edhimuwen ku sikandin he metahud su edhimuwen ku sikandin he iring te tukud diyà te valey ziyà te langit he zutun ed-ezapa is Megbevayè ku ne kenà haazà is tukud igkeawà dutun. Ne idsurat ku ziyà te kandin is ngazan te Megbevayè ku wey is ngazan te inged te Megbevayà he iyan sikan is inged he veg̵u he Hiruselim he ebpenaug he ebpuun te Megbevayà diyà te langit wey elin daan idsurat ku ziyà te kandin is beg̵u he ngazan ku.

Impezayag 7:3

Mezag̵ing is kegkag̵i zin te, “Kenè niw pa pendèdeeti is tanà wey zag̵at wey menge kayu taman te kenè dey pa egkesevukan te tiyap is menge vuked te menge sulug̵uen te Megbevayè tew.”