Impezayag 22:20 - Manobo Western Bukidnon

²⁰ Si Jesus he iyan ebpirma kayi te langun, ke sikandin te, “Benar iyan he meg̵aan e en ebpekeuma!” Ne ke siak te, “Uya, Jesus he Nengazen dey, hendini ke en!”

Impezayag 22:20 Кръстосани препратки

Juan 21:25

Mezakel pa is mid-ulaula ni Jesus. Emun idsurat id-amin ne minsan is tivuuk he kelibutan, kenè pa ereg he egketeg̵uan te menge libru he edsuratan dutun.

1 Kurintu 16:22

Ke zuen minsan hentei he wazà diyà te g̵ehinawa zin si Jesus, ne verakat he siluti sikandin te Megbevayà. “Maran ata,” he ke và dà egkeg̵iya, meg̵aan ka, Jesus, medlikù.

2 Timoteo 4:8

Ne g̵untaan integ̵ana en kedì te Nengazen is suhul he iyan ibeg̵ey zin diyà te langun he memetazeng he etew. Ibeg̵ey zin heini keuzemà te andew te kedsusiya zin te nengeulaula te tivuuk he menusiyà. Iyan sikandin kes metazeng is kedsusi zin. Ne kenà iyan e zà midteg̵enahan din te suhul, kekenà, midteg̵enahan din daan is langun he utew egkeg̵alew ke ebpekelikù sikandin.

Hibriyuhanen 10:37

Su zuen insurat he Lalag te Megbevayà he edhenduen te, “Meg̵aan en is kebpekeuma te edteg̵azan niw ne kenà egkehimu he ebpekelimpas sikandin.

Hibriyuhanen 9:28

Ne si Kristu zaan, kesevaha zà is kebpehimatey zin he iyan kebpemuhata zin te lawa zin wey zin maawà is menge salà te utew mezakel he menge etew. Ne ed-uman pa ebulus si Jesus dini te kelibutan, kenà te ked-ewaa zin te menge salè tew, kekenà, edhimesazen din is kedlibriya zin te langun he utew zekelà is perateng dan kandin.

Impezayag 1:18

Iyan a kes Megbevayà he wazè din kemetayen. Mibpehimatey a ne g̵untaan kenà ad maan ebpatey te minsan keenu. Iyan a ebayàbayà te menge minatey, ne zuen ku zaan keg̵ehem diyà te Iveyaan.

Impezayag 1:2

Ne siak, id-amin ku idsurat is langun he neehè ku. Is migkag̵i te Megbevayà wey is tutuu he tuluuwen he impesavut kediey ni Jesu Kristu, idsurat ku kayi.

Impezayag 2:16

Iniyug̵i niw heini is mezaat he ulaula su emun kenà, meg̵aan ku en sikiyu ebeyai ne edtebeken ku heini is menge etew. Iyan gumaan ku heini is sundang dini te vèbè ku he iyan is lalag ku.

Impezayag 22:10

Ne impelaus din haazà is lalag din te, “Kenè nu ieles heini is impezayag kenikew he menge lalag kayi te libru su meg̵aan en egkengetuman heini is langun.

Impezayag 22:12

Pemineg kew,” ke si Jesus, “meg̵aan e en ebpekeuma ne zutun edsuhulan ku is kada sevaha sumalà is mid-ulaula zin.

Impezayag 22:18

Siak si Juan. Ebpetizeenan ku is minsan hentei he nekezineg kayi te impezayag kediey he ibpesavut kayi te libru. Ke zuen minsan hentei he ed-umanan din te minsan hengkey heini is ibpesavut, id-uman te Megbevayà te silut kandin is menge idrasey he nekag̵i kayi te libru.

Impezayag 22:7

Ne egkag̵i si Jesus te, “Meg̵aan e en ebpekeuma! Utew egkengelipey is langun he edtuman te menge lalag ku he impezayag keniyu kayi te libru.”