Impezayag 21:3 - Manobo Western Bukidnon

³ Ne nezineg ku is egkag̵i he utew mezag̵ing diyà te pinuuwà te edhadì, ne ke sikandin te, “Mid-amur en human is Megbevayà diyà te menusiyà. Ed-amur sikandin kandan ne egkehimu sikandan he menge gin-etawan din. Iyan sikandin duma zan wey ed-ezapen dan he Megbevayà.

Impezayag 21:3 Кръстосани препратки

Juan 1:14

Ne sikan is nekag̵i he Lalag te Megbevayà, nehimu he menusiyà ne mid-amur kenitew. Utew sikandin belig̵eg̵awen wey utew tutuu is menge lalag din. Neehè dey is utew zin kebpekelavew he iyan is kebpekelavew te vudtung he Anak te Megbevayà. Ne haazà is kebpekelavew zin, imbeg̵ey kandin te Amey zin he Megbevayà.

Juan 14:23

Ne midtavak si Jesus te, “Ke zuen etew he mahal a ziyà te g̵ehinawa zin, edtumanen din is menge sug̵ù ku, ne zutun mahal sikandin diyà te g̵ehinawa te Amey ku. Ne siak wey is Amey ku, edhendiyè key te kandin ne ziyà key ed-ubpà te kandin.

2 Kurintu 6:16

Ne is simbahan he Valey te Megbevayà he zutun ed-ezapa sikandin, kenà egkehimu he zutun daan ed-ezapa is menge tarù he ed-ezapen. Ne iring din ded daan sikitew is tumutuu su iyan kiw iring te valey he ed-ubpaan te wazè din kemetayen he Megbevayà. Su migkag̵i is Megbevayà te, “Edlumunan ku sikandan ne ebpekiduma a kandan ne egkehimu he iyan a edsimbahan dan he Megbevayà ne iyan sikandan menge g̵aked ku he etew.”

2 Kurintu 6:18

Ne egkehimu a he Amey niw ne sikiyu, menge vahi wey maama, egkehimu kew he menge anak ku. Lalag heini te mekeg̵eg̵ehem he Nengazen te langun.”

1 Tiselunika 3:11

Berekati te Amey tew he Megbevayà wey te Nengazen tew he si Jesus he meg̵aan key mekehendiyan te keniyu.

Hibriyuhanen 11:16

Su ebpen-ahaan dan is inged he utew pa meupiya, kenà haazà is mid-ewaan dan su iyan ebperetengen dan is egkeubpaan dan he inged diyà te langit. Ne g̵eina te iyan haazà, ne mid-angken sikandan te Megbevayà ne netuenan ta he kenè din igkeeled is kegngezani zan kandin he Megbevayà dan su mid-andam din en is inged he egkeubpaan dan.

Hibriyuhanen 8:10

Ne mid-uman megkag̵i is Nengazen te, “Is beg̵u he paag̵i he edtukuzen ku wey ku mezawat is menge kevuwazan ni Israyil, ne iyan heini: is menge sug̵ù ku, ne idsurat ku ziyà te g̵ehinawa zan wey ziyà te isip dan ne egkesuatan dan human te edtuman heini. Ne human a egkehimu he Megbevayà dan ne egkehimu sikandan he menge g̵aked ku.

Hibriyuhanen 8:2

Edtumanen din is kegkememumuhat din diyà te etuvangan te Megbevayà, diyà te tutuu he valey he ed-ezapan he wazà beeli te etew, kekenà, mibeelan te Megbevayà su ziyà te langit.

Impezayag 10:4

Ne zutun te kebales te veransì, idsurat ku pezem is nezineg ku, iyan, nezineg ku is egkag̵i ziyà te langit te, “Ieles nu is ibpesavut kayi te pitu he veransì ne kenè nu isurat.”

Impezayag 10:8

Ne zutun mid-uman megkag̵i zini te kediey sikan is nezineg ku he egkag̵i ziyà te langit. Ke sikandin te, “Hendutun ka te velinsug̵uen he ziyà egiek is sevaha he paa zin te tanà ne is sevaha ziyà te zag̵at. Ne kuwaa nu is belesahan he igkulang din he neebriyan en.”

Impezayag 12:10

Ne zutun, nezineg ku is utew mezag̵ing he egkag̵i ziyà te langit he edhenduen te, “Guntaan egketuman en is kedlibriya te Megbevayà te menusiyà. Impeehè en te Megbevayà is keg̵ehem din te kedhadì. Is hadì he mibpilì te Megbevayà, impeehè din en is ketenged din te kedhadì. Su midsegseg en pehendiyà te tanà si Setanas, is edsumbung te menge suled tew. Iyan sikandin midsumbung kandan diyà te Megbevayà tew te maandew wey te mezukilem.

Impezayag 21:7

Ke zuen minsan hentei he ebpekezaag ki Setanas, ne edhimuwen ku sikandin he anak ku ne egkehimu a zaan he Megbevayè din.

Impezayag 22:3

Ne haazà is inged, wazà dutun minsan hengkey he midrewakan te Megbevayà. Ne zutun is pinuuwà te Megbevayà he iyan pinuuwà te nati he kerehidu. Ne ed-ezapen is Megbevayà te menge sulug̵uen din.

Impezayag 7:15

Umba, diyè dan edhitindeg te etuvangan te pinuuwà te Megbevayà. Andew wey mezukilem ne ziyè dan te simbahan te Megbevayà ne edtumanen dan dutun is egkesuatan din. Ne is Megbevayà he ziyà ebpimpinuu te pinuuwè din te kedhadì, iyan edlingahaan dan.