Impezayag 21:18 - Manobo Western Bukidnon

¹⁸ Ne haazà is elavat ne hinimu te mahal he vatu he haspi. Ne haazà is inged ne hinimu te vulawan he utew wag̵as su edlahus is mata ta zutun.

Impezayag 21:18 Кръстосани препратки

Impezayag 21:11

Ne haazà he inged, ne utew merayag su zutun ed-anlag is gehem te Megbevayà. Edsinlang haazà is inged iring te mahal he vatu he haspi he edlahus dutun is mata ta.

Impezayag 21:19

Is menge vatu he mibpepinuuwan dutun te elavat, ne mideyzeyanan te mezakel he menge memekempet he menge mahal he vatu. Haazà is nehuna he vatu ne haspi, is ikezuwa ne sepiru, is iketelu ne kelsidunya, is ikeepat ne ismiralda,

Impezayag 21:21

Ne haazà is sepulù wey zezuwa he pultahan, ne sepulù wey zezuwa he pirlas su is kada pultahan, ne hinimu te sevaha he pirlas, ne is kersada zutun te inged, ne vulawan he utew wag̵as su iring te ispihu he edlahus is mata ta.

Impezayag 4:6

Ne zutun daan te etuvangan te pinuuwà neehè ku is henduen be te meluag he zag̵at he iring te ispihu su utew metingew. Ne ziyà te teliwazà, iyan, ebpekeelingkus daan dutun te pinuuwà, duen heepat he linimbag he kedesenan he neeneb te mata is menge lawa zan diyà te egkesineruwan wey egkeiniyug̵an.