Impezayag 21:11 - Manobo Western Bukidnon

¹¹ Ne haazà he inged, ne utew merayag su zutun ed-anlag is gehem te Megbevayà. Edsinlang haazà is inged iring te mahal he vatu he haspi he edlahus dutun is mata ta.

Impezayag 21:11 Кръстосани препратки

Impezayag 15:8

Ne zutun nepenù is simbahan te evel he ebpuun te anlag wey g̵ehem te Megbevayà. Ne zutun wazà ebpekeseled dutun te simbahan taman te kenè pa egketapus haazà is kepipitu he kedresaya te menusiyà he ibpaag̵i te pitu he velinsug̵uen.

Impezayag 22:1

Ne, impaahà kediey zutun te velinsug̵uen is wahig he egngezanan te Wahig he Ebpekeveg̵ey te Untung. Ne haazà is wahig ne utew metingew iring te ispihu. Ne ziyà ebpuun haazà te pinuuwà te Megbevayà he iyan sikan is pinuuwà te nati he kerehidu.

Impezayag 22:5

Wazè en dutun mezukilem ne wazè en kinahanglan he zuen pa sulù wey silà te andew su iyan sulù dan is Megbevayà he Nengazen te langun, ne edhadì sikandan te wazà pidtemanan.

Impezayag 4:3

Ed-ilak-ilak is paras din ne henduen be te menge mahal he vatu he haspi wey kurnalina. Ne mid-elingkus dutun te pinuuwà is belugtu he meilem he utew merayag su iring te mahal he vatu he ismiralda.

Impezayag 4:6

Ne zutun daan te etuvangan te pinuuwà neehè ku is henduen be te meluag he zag̵at he iring te ispihu su utew metingew. Ne ziyà te teliwazà, iyan, ebpekeelingkus daan dutun te pinuuwà, duen heepat he linimbag he kedesenan he neeneb te mata is menge lawa zan diyà te egkesineruwan wey egkeiniyug̵an.