Impezayag 20:9 - Manobo Western Bukidnon

⁹ Mid-eneb dan is tivuuk he lumpad te kelibutan ne midlingutan dan is inged he utew ingkesuat te Megbevayà he zutun is menge sundaru te Megbevayà he iyan is menge tumutuu kandin. Iyan, mid-ulug̵an sikandan te hapuy he ebpuun te langit ne naamin dan nengeg̵erà.

Impezayag 20:9 Кръстосани препратки

Lucas 17:29

Ne haazà he andew te ked-awà ni Lut dutun te inged din he egngezanan te Suduma, is langun he menge etew he meg̵inged dutun, ne nelimas te hapuy wey esupri he mid-ulug te Megbevayà ebpuun te langit.

Lucas 19:43

Ne zuen andew he zutun egkeumahan kew te menge kuntada niw ne egkelingutan kew ne edtebeken kew zan ne kenè kew ebpekeg̵awas dutun.

Lucas 21:20

Ne mid-uman megkag̵i si Jesus te, “Ne emun egkeehè niw heini is inged he Hiruselim he egkelingutan en te menge kuntada niw he sundaru ne egketuenan niw he meg̵aan en egkezeeti.

Lucas 9:54

Ne hein netuenan ni Santiago wey ni Juan he wazà edawat kandan dutun te inged, migkeg̵iyan dan si Jesus te, “Egkesuatan nu ve he ebuyù key te hapuy he ebpuun te langit he ibpetanà dini su wey meg̵erà heini he menge etew?”

2 Tiselunika 1:8

Dutun, edsilutan din sikandan is wazà medtetenged te Megbevayà wey wazà mebpemineg te Meupiya he Tudtulanen te keag̵i te Nengazen tew he si Jesus.

Hibriyuhanen 13:13

Umba, menge suled, egawas kiw zaan te inged ne edhendiyè kiw en te kandin, he ke và dà egkeg̵iya, kenè tew en edserig̵an is kedtumana te menge tuluuwen te menge Hudiyu, kekenà, iyan dà edserig̵an tew si Jesus. Edsundanan tew sikandin ne kenè tew igkehandek is ked-entusa tew te kedsudia kenitew tenged te kedtuu tew kandin.

Impezayag 11:5

Ne heini is dezuwa, ke zuen ebpesipala kandan, diyà te vèbè dan edlepew is hapuy ne egkeamin egketutung is menge kuntada zan. Ne pinaag̵i kayi edhimetayan dan is minsan hentei he egezam kandan ebpesipala.

Impezayag 13:13

Utew zekelà is menge egkein-inuwan he mibeelan dutun te langgam he ikezuwa su minsan hapuy he ebpuun te langit, impepenaug din wey maahà te menge etew.