Impezayag 20:11 - Manobo Western Bukidnon

¹¹ Ne zutun neehè ku is dekelà he meputì he pinuuwà te edhadì ne neehè ku zaan is ebpimpinuu zutun. Naawà is langit wey tanà diyà te etuvangan din ne nahanew ne kenè en maan sikandan egkeahà.

Impezayag 20:11 Кръстосани препратки

Mateo 11:22

Kenè niw lipati he zutun keuzemà te andew te kedsusi te Megbevayà te menusiyà, lavew is idsilut din keniyu kenà te menge etew ziyà te Tiru wey Sidun.

Mateo 24:35

Egkehanew is langit wey tanà, iyan, heini is migkag̵i ku, kenà mulà egkehanew te minsan keenu.

Mateo 25:31

Siak is Kakey te Menusiyà, dutun te kedlikù ku he utew zekelà is gehem te ked-anlag ku wey edumahan ad te langun he menge velinsug̵uen ku, ebpinuu ad is edhadì.

Ruma 2:5

Ne minsan pa zutun, mezesen pa utew is gehinawa nu ne kenè ka egkesuat he ed-iniyug te mezaat he ulaula; ne kada andew ed-iseg ebmeveg̵at is silut he idrasey kenikew keuzemà dutun te andew te kedsilut te Megbevayà. Ne zutun he timpu ibpeehè din kenitew is metazeng he kedhukum din.

2 Pedro 3:7

Ne haazà is Lalag te Megbevayà he iyan inlimbag din dengan, pinaag̵i zutun midteg̵enahan din en is langit wey tanà su wey melimas din te hapuy keuzemà dutun te andew te kedsusiya zin wey kedsiluti zin te menge etew he wazè dan kedtahud kandin.

Impezayag 12:8

iyan, nezaag haazà is uled ne sikandin wey is menge velinsug̵uen din, wazè en tug̵uti te Megbevayà he mekeseled dan pa maan diyà te langit, umba,

Impezayag 16:20

Ne nengehanew is langun he menge pulu ziyà te zag̵at. Ne nengehanew zaan is langun he menge vuntud.

Impezayag 19:11

Ne zutun neehè ku is langit he nepuwasan ne zuen dutun kudà he meputì ne egkeserig̵an wey metinumanen is ed-untud dutun. Metazeng is kedhukum din ne metazeng daan is kebpekidtebek din te menge kuntada zin.

Impezayag 20:2

Ne midakep din sikan is dekelà he uled he deragun he iyan ded sikan is uled dengan he iyan daan kes mezaat he mulin-ulin he si Setanas ne mibpusasan din. Ne kenà ibpaawà haazà seled te nengkelibu he tuig.

Impezayag 21:1

Ne zutun neehè ku is beg̵u en he langit wey tanà su nahanew en is nehuna he langit wey nehuna he tanà ne wazè en maan dag̵at.

Impezayag 21:5

Ne migkag̵i haazà is ebpimpinuu zutun te pinuuwà te edhadì, ke sikandin te, “Guntaan edhimuwen ku he veg̵u is minsan hengkey!” Ne ke sikandin diyà te kedì te, “Isurat nu heini is egkezineg nu; egkeserig̵an wey tutuu heini he lalag.”

Impezayag 4:2

Ne zutun impehendiyà a te Wag̵as he Mulin-ulin. Ne hein diyè e en te langit, neehè ku is pinuuwà te edhadì ne zuen ebpimpinuu zutun.

Impezayag 6:14

Ne zutun nahanew is langit iring te velesahan he edlulunen ne is uman buntud wey is uman pulu ziyà te zag̵at, naawà dutun te nesevukan dan.