Impezayag 20:10 - Manobo Western Bukidnon

¹⁰ Ne zutun, is mid-akal kandan he si Setanas, intimbag sikandin diyà te ranew he egkeregreg te esupri he zutun itimbag sikan is langgam wey kes ebpeneuven ni Setanas ne zutun edresayen sikandan te maandew wey mezukilem te wazà pidtemanan.

Impezayag 20:10 Кръстосани препратки

Mateo 25:41

Ne zutun ekeg̵iyan ku is menge etew he ziyà te zapit te egkeg̵ivang ku te, ‘Sikiyu is midrewakan te Amey ku he Megbevayà, awè kew kayi! Su zutun kew te regreg he wazè din pidtemanan he integ̵ana he zaan ki Setanas he iyan idsilut kandin duma te menge velinsug̵uen din!

Mateo 25:46

Ne heini he menge etew,” ke si Jesus, “id-awà kayi su edsilutan sikandan te silut he wazè din pidtemanan; iyan, is menge metazeng mulà, ebeg̵ayan sikandan te untung he wazè din pidtemanan.”

Mateo 7:15

Likayi niw is menge ebpeneuven kun te Megbevayà he tarù is ibpenurù dan. Henduen be te hustu sikandan he tumutuu te Megbevayà, iyan, ebpekezezaat is ibpenurù dan.

Marcos 9:44

Is menge tagkey zutun, ne wazè dan kemetayen ne kenà egkeevukan is hapuy.

Impezayag 16:13

Ne neehè ku zutun is tetelu he menge utew memekehandekhandek he mezaat he mulin-ulin he henduen be te vakbak. Midlepew is sevaha he ebpuun duen te vèbà te zekelà he deragun he iyan si Setanas, ne is sevaha, diyà medlepew puun te vèbà duen te langgam, wey is sevaha zuen medlepew te vèbà te ebpeneuven ni Setanas.

Impezayag 19:20

Ne midakep haazà is langgam ne midakep daan kes ebpeneuven ni Setanas, sikan is mibpaahà te menge egkein-inuwan diyà te etuvangan te langgam. (Pinaag̵i zutun te menge egkein-inuwan mid-ekalan din wey meketuu te langgam haazà is langun he menge etew he midtiyapan te tiyap duen te langgam wey mid-azap te ledawan te langgam.) Ne sikan is langgam wey kes ebpeneuven ni Setanas, intimbag sikandan he uuyag pa ziyà te ranew he egkeregreg te esupri.

Impezayag 20:8

Ne egawas sikandin dutun wey zin meekali is menge etew ziyà te langun he menge g̵inhedian dini te tivuuk he kelibutan. Iyan haazà sikan is migngezanan te Gug wey Magug. Edtig̵umen sikandan ni Setanas wey zan mekepekidtebek te Megbevayà. Utew zan mezakel su henduen dan te pantad diyà te veyvey te zag̵at.

Impezayag 9:17

Ne zutun te impaahà kediey, neehè ku is menge sundaru wey menge kudà. Nelimbutungan haazà is egkukudà te merig̵à he iring te hapuy, wey meilem wey mekelawag daan he iring te esupri. Is menge ulu zutun te menge kudè dan, ne iring te ulu te erimaung. Ne is menge vèbè dan, ne edlepawan te hapuy wey evel wey esupri.