Impezayag 2:9 - Manobo Western Bukidnon

⁹ Netuenan ku is kegkeantus niw te kemeresayan; netuenan ku he egkengeayuayu kew. Ne minsan pa zutun sepian kew utew pinaag̵i te kedtuu niw. Netuenan ku he kenà benar is id-ituk keniyu te menge etew he egkag̵i he menge Hudiyu zan, iyan, kenà sikandan tutuu he Hudiyu su mibpekid-upakat dan ki Setanas.

Impezayag 2:9 Кръстосани препратки

Mateo 4:10

Ne mibensag̵an ni Jesus te, “Setanas, ewai a kenikew! Duen insurat he Lalag te Megbevayà he edhenduen te, ‘Iyan niw zà ezapa is Nengazen he Megbevayè niw. Ne is duma pa he ngazan he megbevayà, kenè niw tumana is sug̵ù din.’ ”

Lucas 12:21

Ne mid-uman megkag̵i si Jesus diyà te mezakel he menge etew, ke sikandin te, “Iring kayi te sepian he etew is minsan hentei he edtipig te zekelà he ketig̵eyunan, iyan, wazà diyà te kandin is minsan hengkey he igkesuat te Megbevayà.”

Lucas 22:65

Ne kenà iyan dà haazà su mezakel pa is memezaat he lalag dan kandin te kedsumpelita zan kandin.

Lucas 4:18

“Mid-ulinan a te Wag̵as he Mulin-ulin he ebpuun te Megbevayà. Ne mibpilì a te Nengazen su wey ku ikepesavut te menge egkengeayuayu is Meupiya he Tudtulanen. Ne mibpeveyaan din kedì is menge etew wey ku sikandan metudtuli he egkengevelukasan is nengevihag ni Setanas, ne egkengeulian is nengelakap wey zan mekeahà ne egketevangan is egkengereg̵enan.

Lucas 6:20

Ne mibpenlangulangu si Jesus diyà te menge sumusundan din ne migkag̵i sikandin te, “Utew kew zeyzey is menge ayuayu su iyan kew en edhedian te Megbevayà!

Juan 16:33

Umba migkag̵i ku keniyu heini is langun su wey mebmelinawen layun is gehinawa niw tenged kediey. Dini te kelibutan ebpesipelahan kew te menge etew he kuntada ku, iyan, kenè kew mahandek su nezaag ku en sikan is egalen te menge kuntada ku!”

Nengeulaula 14:22

Ne impesavut dan te menge tumutuu zutun is ibmezesen te kedtuu zan. Migkag̵i zan kandan he kinahanglan he kenè dan engkezi is kedtuu zan ki Jesus. Ke sikandan te, “Sikita is tumutuu, wey ki zà egkehedii te Megbevayà ke egkeantus ta is mezakel he kemereg̵enan.”

Nengeulaula 26:11

Kenè en egkepangkus is kebpesiluti ku kandan diyà te menge simbahan su ebpeg̵esen ku pezem sikandan he engkezi zan is kedtuu zan. Ne tenged te utew ku sikandan nepeuki, mid-alew ku sikandan minsan diyà te menge meziyù he inged wey ku sikandan mesiluti.

Ruma 12:12

Kinahanglan he layun kiw edlipey su zuen utew meupiya he egkezawat tew keuzemà. Ed-entusen tew is menge kemereg̵enan ne layun kiw ed-ampù diyà te Megbevayà.

Ruma 2:17

Ne sikiyu zaan is menge zuma ku he menge Hudiyu, kunaan niw ke egkeserig̵an niw is kedtumana niw te kesug̵uan ne ibpezalig niw is upakat niw te Megbevayà.

Ruma 5:3

Ne kenà duen dà taman su ebelesen te kelipey is menge kemereg̵enan he nengeseg̵azan ta su netuenan ta he pinaag̵i kayi edlumbazen ki wey ki mehimu he meinentusen.

Ruma 8:35

Ne emun iyan haazà ne wazà minsan hengkey he ebpekepesuwey kenita ziyà te ki Kristu. Minsan ke egkerasey ki te kemereg̵enan wey samuk wey pesipala; minsan ke egkereg̵enan ki te vitil ne wazè ta ugelingen; minsan ke egkekeizan ki ne edhimetayan ki; ne kenà egkeawà is kebmahal ta ziyà te g̵ehinawa ni Kristu.

Ruma 9:6

Ne kenè ku iyan egkeg̵iyen he wazà tumana te Megbevayà is penaad din kandan, kekenà, iyan egkeg̵iyen ku he zuen duma te menge kevuwazan ni Israyil he kenà sikandan tutuu he menge sakup te Megbevayà.

2 Kurintu 6:10

Mezakel is menge seeng dey, iyan, layun key egkelipey. Henduen be te utew key egkeayuayu, iyan, pinaag̵i kenami, edsepian te wazà pidtemanan is mezakel he menge etew. Henduen be te wazè dey azen, iyan, naangken dey is langun he ibeg̵ey te Megbevayà.

2 Kurintu 8:2

Minsan dutun te nekeantus dan te utew mepait he kemeresayan, ingkelipey zan utew g̵ihapun ne tenged kayi minsan pa te utew zan egkengeayuayu, utew zekelà is ingkeveg̵ey zan he tavang te menge zuma zan he tumutuu.

2 Kurintu 8:9

Netuenan ta ke hengkey is kezekelà te g̵ag̵ew kenita te Nengazen tew he si Jesu Kristu. Su tenged te hizu zin kenita, minsan te utew sikandin sepian diyà te langit, midhimu zin he utew sikandin ayuayu pinaag̵i te kebpeetew zin wey kebpehimatey zin. Ne tenged kayi te kegkeayuayu zin egkehimu ki he utew sepian.

1 Tiselunika 3:4

Hein diyan key pa te keniyu migkeg̵iyan dey sikiyu he zuen timpu he egkeumahan kiw te kemeresayan, ne netuenan niw g̵untaan he netuman en.

1 Timoteo 1:13

Dengan, mezaat is menge lalag ku mehitenged kandin; midrasey ku is menge sumusundan din ne midsumpalit ku sikandin. Ne minsan pa zutun, nehizuwan e zin su nehimu ku is menge mezaat he vaal ku tenged te wazè ku pa metueni is tutuu he tuluuwen wey wazè ku pa sikandin tuuwi.

1 Timoteo 6:18

Keg̵iyi nu is menge sepian he tumutuu he hemeni zan ul-ulaha is meupiya su iyan heini hustu he ketig̵eyunan. Mebmetulanged dan wey mebmetinevangen.

Impezayag 1:9

Iyan a si Juan is sevaha he suled niw tenged te kedtuu ku ki Jesus. Iring keniyu nekeantus a zaan te menge kemeresayan su sakup a zaan te g̵inhedian din. Tenged te ingkepauk te gubirnu is kebpenudtul ku te Lalag te Megbevayà wey is kebpenurù ku te impesavut ni Jesus, impesivey a ne ziyà a ibpeubpà te sengepupulu he egngezanan te Patmus.

Impezayag 2:13

Netuenan ku he sakup ni Setanas is inged niw. Ne minsan pa zutun midhemenan niw is kedtuu niw kedì ne wazè niw engkezi is menge penurù ku minsan dutun te kedhimetayi ki Entipas dengan. Metinumanen sikandin he ebpenudtul te menge lalag ku, ne midhimetayan sikandin diyan te inged niw he nesakup ni Setanas.

Impezayag 2:2

Netuenan ku is langun he menge ulaula niw; netuenan ku he edhag̵ù kew ne meinentusen kew te kemereg̵enan tenged te kedtuu niw. Netuenan ku zaan he kenè niw idtug̵ut he zuen menge lalung he etew he menge zuma niw, su sikan is menge etew he migkag̵i he menge epustul sikandan ni Jesus, migezaman niw ne zutun netuenan niw he kenà tutuu he menge epustul sikandan.

Impezayag 2:24

Ne sikiyu is duma ziyan te Tiyetira he wazà mekezawat te penurù dutun te vahi, he ke và dà egkeg̵iya, wazè niw zewata is egngezanan te menge mezalem he penurù ni Setanas, wazè en duma pa he ebpeveelan ku keniyu.

Impezayag 3:9

Ne haazà is menge etew he egkag̵i he menge Hudiyu sikandan, tarù is egkeg̵iyen dan su menge sakup sikandan ni Setanas. Edhimuwen ku he mekeluhud sikandan diyan te etuvangan niw. Ne zutun egketuenan dan he iyan kew mahal zini te g̵ehinawa ku.

Impezayag 7:14

Ne midtavak a te, “Iyan ka nesayud.” Ne ke sikandin te, “Heini is menge etew, ebpemekeuma sikandan he ebpuun dutun te zekelà he kemeresayan diyà te lumpad te kelibutan. Mibpemìpian dan is menge bisti zan diyà te lengesa te nati he kerehidu wey zan mehimu he meputì, he ke và dà egkeg̵iya, nepalis en is menge salè dan.