Impezayag 2:7 - Manobo Western Bukidnon

⁷ Is minsan hentei keniyu, mebpemineg kayi te egkeg̵iyen te Wag̵as he Mulin-ulin diyan te keniyu te menge tumutuu! Is etew he ebpekezaag ki Setanas, edtug̵utan ku he mekekaan sikandin te veg̵as te kayu he iyan puunà te untung he wazà pidtemanan he ziyà te ed-ubpaan te Megbevayà.’ ”

Impezayag 2:7 Кръстосани препратки

Mateo 11:15

Heini is nezineg niw, sevuta niw.

Mateo 13:43

Ne zutun, is menge metazeng mulà, iring te andew is anlag dan diyà te g̵inhedian te Amey zan he Megbevayà. Sevuta niw heini is nezineg niw.

Mateo 13:9

Ne mid-uman megkag̵i si Jesus te, “Sevuta niw heini is nezineg niw.”

Marcos 4:9

Ne mid-uman megkag̵i si Jesus te, “Kinahanglan he sevuta niw heini is nezineg niw.”

Marcos 7:15

is egkehimu he igkeepesi te Megbevayà te etew, kenà iyan is keuyag̵an he ebpekeseled diyà te vèbè din, minsan ke wazà sikandin mebpenlùlù, kekenà, iyan is menge lalag he egawas puun diyà te vèbè din.

Marcos 7:16

Is minsan hentei keniyu, sevuta niw heini is menge lalag ku.”

Lucas 23:43

Ne migkag̵i si Jesus diyà te kandin te, “Benar heini is egkeg̵iyen ku kenikew he g̵untaan dà ebpezumehè ki zutun te inged te edtulusen.”

Lucas 8:8

Ne zuen daan benì din he ziyà mengeulug te meupiya he tanà ne midtuvù ne mibpemeg̵as mebpurung te tignenggatus.” Ne ke si Jesus te, “Sevuta niw heini is nezineg niw.”

Juan 16:33

Umba migkag̵i ku keniyu heini is langun su wey mebmelinawen layun is gehinawa niw tenged kediey. Dini te kelibutan ebpesipelahan kew te menge etew he kuntada ku, iyan, kenè kew mahandek su nezaag ku en sikan is egalen te menge kuntada ku!”

1 Kurintu 2:10

Ne heini is in-eles din dengan, impesavut din en kenitew pinaag̵i te Wag̵as he Mulin-ulin. Su is Wag̵as he Mulin-ulin, egketuenan din is minsan hengkey, minsan is utew mezalem he in-eles he menge isip te Megbevayà.

2 Kurintu 12:4

Ne zutun te kebpenumbaley zin diyà te langit duen nezineg din he kenà egkekag̵i pinaag̵i te kelibutanen he lalag ne kenà daan idtug̵ut he egkeg̵iyen te etew zà duen.

1 Juan 2:13

Sikiyu is menge meg̵urang, umba ebpesuratan ku sikiyu su nehimu kew en he menge emig̵u ni Kristu. Daan en sikandin te wazè pa limbag̵a is minsan hengkey. Sikiyu is menge menguhed, ebpesuratan ku sikiyu su nezaag niw en si Setanas.

Impezayag 13:9

Is minsan hentei keniyu, mebpemineg kayi!

Impezayag 14:13

Ne zutun nezineg ku is egkag̵i ziyà te langit te, “Isurat nu heini: Utew mulà meupiya is egkengeulaula te menge etew he ebpatey ke menge tumutuu sikandan te Nengazen.” “Benar iyan,” egkag̵i is Wag̵as he Mulin-ulin. “Utew zan en egkengelipey su wazè en igkehag̵ù dan ne ebpekehimeley sikandan. Ne zutun edsuhulan sikandan tenged te menge meupiya he menge vaal zan.”

Impezayag 15:2

Ne neehè ku zutun is henduen be te zag̵at he ispihu he nesahug te hapuy. Ne neehè ku zaan is menge etew he nemekezaag te mekehandekhandek he langgam su wazè dan sikandin ezapa. Wazè dan med-azap dutun te ledawan din ne wazè dan daan mebpemarka te lumiru te ngazan din. Dutun dan ebpemenhithitindeg te uvey te zag̵at he ispihu. Ne zuen egewezan dan he menge arpa he imbeg̵ey kandan te Megbevayà.

Impezayag 2:11

Is minsan hentei keniyu, mebpemineg kayi te egkeg̵iyen te Wag̵as he Mulin-ulin diyan te keniyu te menge tumutuu. Is etew he ebpekezaag ki Setanas, kenè en egkeragkes te silut he iyan is ikezuwa he kemetayen.’ ”

Impezayag 2:17

Is minsan hentei keniyu, mebpemineg te egkeg̵iyen te Wag̵as he Mulin-ulin diyan te keniyu te menge tumutuu. Is etew he ebpekezaag ki Setanas, ebeg̵ayan ku sikandin te in-eles ku pa he egkeenen he mana he ziyà ebpuun te langit. Ne ibeg̵ey ku zaan kandin is meputì he vatu he insurat dutun is beg̵u en he ngazan. Iyan dà egkesayud te ngazan dutun is ebeg̵ayan.’ ”

Impezayag 21:7

Ke zuen minsan hentei he ebpekezaag ki Setanas, ne edhimuwen ku sikandin he anak ku ne egkehimu a zaan he Megbevayè din.

Impezayag 22:14

Utew egkengelipey haazà is langun he ebpìpian dan is ugelingen dan, he ke và dà egkeg̵iya, ibpepalis dan is menge salè dan su wey utew meputì su emun ebeelan dan haazà, ebeg̵ayan sikandan te ketenged te kegkaan te veg̵as dutun te kayu he ebpekeveg̵ey te untung wey te kedseled dutun te menge pultahan te inged.

Impezayag 22:17

Ne kes Wag̵as he Mulin-ulin wey kes egkeesawa te nati he kerehidu, ed-umew zan is egkag̵i te, “Tuu kew en.” Ne sikan is nekezineg kayi, ne kinahanglan he med-umew zaan he egkag̵i te, “Tuu kew en.” Is minsan hentei keniyu he egkemezahan, wey is minsan hentei he egkesuat, dewata zin en he wazà bayad is wahig he ebpekeveg̵ey te untung he wazà pidtemanan.

Impezayag 22:2

Ne haazà is wahig, diyà edtudà te teliwazà te kersada zutun te inged. Ne te pesiziveluyà he veyvey zutun te wahig egkeahà is menge kayu he ebpekeveg̵ey te untung. Ne haazà is kayu, sepulù wey zezuwa he kelasi is beg̵as din ne kada vulan ebpemeg̵as te sengekelasi. Ne is dahun dutun, ne vawì he ebpekeulì te menge etew he sakup te menge g̵inhedian dini te lumpad.