Impezayag 2:5 - Manobo Western Bukidnon

⁵ Tentenuzi niw sikan is kedekelaa niw zengan kediey ziyà te g̵ehinawa niw; iniyug̵i niw is mezaat he ulaula ne ul-ulaha niw is meupiya he mid-ulaula niw zengan su emun kenà, ebeyaan ku sikiyu. Ne id-awè ku is sulù niw ziyà te selevukè din emun kenè niw edlikuan is daan he ulaula niw.

Impezayag 2:5 Кръстосани препратки

Mateo 5:14

Iring kew te sulù he ebpeketayew te tivuuk he menusiyà. Is inged he ziyà benguna te puntur te vuvungan, kenà ebpekeeles.

Mateo 5:15

Ne wazà daan etew he edtemteman din is sulù ne ebpelengkevan din te vinevey, kekenà, idsavuk din diyà te sevukà wey meteyawi is tivuuk he seled te valey.

Marcos 12:9

Ne mid-uman megkag̵i si Jesus te, “Ne g̵eina te iyan haazà mid-ulaula zutun te impemeelima te perasan, hengkey is ed-ul-ulahan kandan dutun te teg̵ig̵aked? Ebeyaan din haazà is menge etew ne ebpenhimetayan din ne ebpeelimahan din haazà is perasan din te selakew en maan he menge etew.”

Lucas 1:17

Heini is anak nu, edsug̵uen sikandin he ibpehuna te kebpekeuma te Nengazen ne ed-ulinan sikandin te Wag̵as he Mulin-ulin iring te ked-ulini zengan te Megbevayà te ebpeneuven he si Elias. Ne is gehem din, ne iyan ded sikan is gehem ni Elias dengan. Ne pinaag̵i te menge penurù kayi te anak nu egkehimu zutun he ebpeked-uuliey te meupiya he g̵ehinawa is menge amey wey te menge anak dan. Is menge etew he wazà mebpezumazuma te menge sug̵ù te Megbevayà, pinaag̵i te penurù kayi te anak nu ebpekedsendit dan ne zutun metazeng human is ed-isipen dan. Ne pinaag̵i kandin mezakel he menge etew is ed-endaman dan is kebpekeuma te Nengazen,” lalag te velinsug̵uen.

Lucas 20:16

Iyan is: ebeyaan din haazà is menge etew ne ebpenhimetayan din, ne ebpeelimahan din haazà is perasan din te selakew en maan he menge etew.” Ne hein nezineg dutun te menge etew he ebpemineg ki Jesus ne utew zan neseeng ne ke sikandan te, “Kenà heeyan ed-ul-ulahan te Megbevayà!”

Gelasya 5:4

Is minsan hentei keniyu he kunaan din ke pinaag̵i te kedtumana te kesug̵uan is kebpeketezenga kandin te Megbevayà, nekesuwey en sikandin ki Kristu. Neewaan din en is gag̵ew te Megbevayà kandin.

Pilipus 2:15

Ne zutun, wazà mezaat diyan te keniyu su meupiya is ulaula niw su menge anak kew te Megbevayà he wazà igkesewayi zin keniyu, minsan te zini kew pa mekeubpà te kelibutan te teliwazà te lalung he menge etew he kenà memetazeng is menge ulaula. Iring kew te menge sulù

Hibriyuhanen 10:32

Isipa niw is timpu zengan hein sikan kew pa meteyawi te tutuu he tuluuwen ne midtuuwan niw. Utew mezakel is kemereg̵enan he nengeeg̵iyan niw, iyan, nekeantus kew ne wazà haazà ikeawà te kedtuu niw.

2 Pedro 3:17

Minahal ku he menge suled, geina te netuenan niw en heini he zaan, andam kew su wey kenè kew meketuu te menge tarù he ibpenurù te menge lalung he etew ne egkelipatan niw is tutuu he tuluuwen he midtuuwan niw.

Hudas 1:24

Utew zekelà is kebpeselemati tew te Megbevayà. Iyan metau he edtavang kenitew su wey kenè kiw mekesuwey ziyà te kandin. Iyan metau he id-etuvang kiw keuzemà kandin diyà te vulawan he ed-ulian he wazà igkesewayi kenitew he utew zekelà dutun is kelipey tew.

Impezayag 1:20

Ibpesavut ku kenikew is in-eles dengan he kehulug̵an kayi te pitu he vituen he neehè nu he egewezan ku te kewanan he velad ku wey is kehulug̵an kayi te pitu he sulù he vulawan. Is pitu he vituen, iyan alung te pitu he velinsug̵uen te Megbevayà he ebantey te pitu he gurupu te menge tumutuu. Ne heini is pitu he sulù, ne iyan sikan is pitu he gurupu te menge tumutuu.”

Impezayag 16:9

Ne g̵eina te nengetutung is menge etew zutun te utew meinit, midsumpalit dan is Megbevayà su iyan sikandin ebayàbayà dutun te kedresaya kandan, iyan, wazè dan iniyug̵i is memezaat he ulaula zan ne wazè dan daan bentug̵a is Megbevayà.

Impezayag 2:16

Iniyug̵i niw heini is mezaat he ulaula su emun kenà, meg̵aan ku en sikiyu ebeyai ne edtebeken ku heini is menge etew. Iyan gumaan ku heini is sundang dini te vèbè ku he iyan is lalag ku.

Impezayag 2:19

Netuenan ku is menge ulaula niw, dekelà is gehinawa niw kediey. Mezesen is kedtuu niw. Metinumanen kew te menge sug̵ù ku wey meinentusen kew te mereg̵en. Netuenan ku zaan he edhuna he mezakel is menge ulaula niw he meupiya g̵untaan kenà te mid-ulaula niw he meupiya zengan te aney kew en meketuu.

Impezayag 2:2

Netuenan ku is langun he menge ulaula niw; netuenan ku he edhag̵ù kew ne meinentusen kew te kemereg̵enan tenged te kedtuu niw. Netuenan ku zaan he kenè niw idtug̵ut he zuen menge lalung he etew he menge zuma niw, su sikan is menge etew he migkag̵i he menge epustul sikandan ni Jesus, migezaman niw ne zutun netuenan niw he kenà tutuu he menge epustul sikandan.

Impezayag 3:19

Is langun he menge etew he mahal zini te g̵ehinawa ku, edsewayan ku wey edsilutan ku su wey mepenurù sikandan. Ne tenged dutun purungi niw is ulaula niw wey iniyug̵i niw is ulaula niw he mezaat.