Impezayag 2:20 - Manobo Western Bukidnon

²⁰ Ne minsan pa zutun, duen ulaula niw he kenè ku egkesuatan su sikan is bahi he si Hisibil he egkeg̵iyen din he ebpeneuven sikandin te Megbevayà, idtug̵ut niw he ibpenurù din is mezaat he ulaula ziyà te menge sulug̵uen ku. Egkag̵i sikandin he kenà supak te Megbevayà is kedhilavet te kenè niw esawa wey is kegkaan te impemuhat diyà te menge kenà tutuu he megbevayà.

Impezayag 2:20 Кръстосани препратки

Nengeulaula 15:20

Iyan is: ebpesuratan tew sikandan ne egkeg̵iyen tew kandan he kenè dan megkaan te egkeenen he indawey su impemuhat diyà te menge kenà tutuu he megbevayà; ne kenè dan daan hileveti is kenè dan esawa, wey kenè dan daan megkaan te lengesa wey te edlepaan he kenà ebpekelelengesa. Iyan dà heini menge sug̵ù he imbilinbilin ni Moises he ibpetuman tew kandan.

Nengeulaula 15:29

Ne iyan is: kenè niw keena is impemuhat diyà te kenà tutuu he Megbevayà. Kenè niw keena is lengesa, ne kenè niw zaan keena is edlepaan he kenà ebpekelelengesa; kenè niw hileveti is kenè niw esawa. Emun edtumanen niw heini, meupiya en. Iyan dà heini lalag dey.”

1 Kurintu 10:28

Iyan, ke zuen tumutuu he egkag̵i te, “Impemuhat heini is idsezè ta te ledawan,” ne kenè ka zutun kaan te idsezà su kela ke egkelenew sikandin he egkaan duen, ne ibmesakit te g̵ehinawa kayi te zuma nu he tumutuu ke egkeenen nu haazà. Ne siguradu zuen ebpekeinsà te, “Emun egkehimu he ed-ul-ulahan ku is minsan hengkey, maan is edlikayan ku is ulaula he kunaan ke mezaat te menge etew he wazà mekesavut te hustu?

Impezayag 2:14

Duen nepipira he menge ulaula niw he kenè ku egkesuatan, su zuen duma keniyu he edsunuzen dan is impenurù dengan ni Belaam. Su si Belaam, impenurù din dengan ki Balak is paag̵i wey mepenulayi is menge kevuwazan ni Israyil. Iyan is kegkaan te impemuhat diyà te kenà tutuu he megbevayà wey is kedhilavet te kenè dan esawa.

Impezayag 2:4

Iyan, duen netuenan ku he ulaula niw he kenà meupiya su hein aney kew meketuu, dekelà is gehinawa niw kediey, ne g̵untaan malù en edeisek is gehinawa niw kediey.