Impezayag 2:13 - Manobo Western Bukidnon

¹³ Netuenan ku he sakup ni Setanas is inged niw. Ne minsan pa zutun midhemenan niw is kedtuu niw kedì ne wazè niw engkezi is menge penurù ku minsan dutun te kedhimetayi ki Entipas dengan. Metinumanen sikandin he ebpenudtul te menge lalag ku, ne midhimetayan sikandin diyan te inged niw he nesakup ni Setanas.

Impezayag 2:13 Кръстосани препратки

Mateo 10:23

Ne emun ebpesipelahan kew zan diyà te sengeinged, pelag̵uy kew pehendiyà te sevaha he inged. Ne venar is egkeg̵iyen ku keniyu he te kenè niw pa egkepasad is ebpeveelan ku keniyu ziyà te langun he menge inged te nasud he Israyil ne edlikù e en is Kakey te Menusiyà.

Mateo 24:9

Egkuntedahan kew te tivuuk he menusiyà tenged te menge sumusundan ku sikiyu. Ne edekepen kew te menge etew ne ibpalad kew zan diyà te edrasey keniyu ne is duma keniyu edhimetayan dan.

Mateo 4:10

Ne mibensag̵an ni Jesus te, “Setanas, ewai a kenikew! Duen insurat he Lalag te Megbevayà he edhenduen te, ‘Iyan niw zà ezapa is Nengazen he Megbevayè niw. Ne is duma pa he ngazan he megbevayà, kenè niw tumana is sug̵ù din.’ ”

Lucas 21:17

Egkuntedahan kew te langun he menge etew tenged te sumusundan ku sikiyu.

Nengeulaula 22:20

Ne hein midhimetayan si Esteban, is sevaha he etew he wazè din menug̵uni is untung din dini te kelibutan tenged kenikew, dutun a su mid-uyun a zaan dutun te kedhimetayi kandin. Iyan a impevantey te menge kumbalà te midhimatey kandin.’

Nengeulaula 9:14

Ne midhendini te Demasku su intug̵ut kandin te menge punuan he memumuhat is kebpendekepa te langun he ebpengumew-umew kenikew.”

1 Tiselunika 5:21

kekenà, gezami niw is langun ne tipig̵i niw is meupiya.

1 Timoteo 5:8

Su ke zuen tumutuu he kenè din ed-elimahan is menge edsarig kandin, lavew en sikandan he ziyà ed-ubpà te valey zin, mid-engkezan din en is kedtumana zin te tuluuwen tew. Meupiya pa sikan is wazà meketuu kenà sikandin.

2 Timoteo 1:13

Is tutuu he tuluuwen he impenurù ku kenikew, kinahanglan he iyan layun edsunuzen nu. Hemeni nu is kedtuu nu te Megbevayà wey is kebmahala nu te menge zuma nu su iyan heini tuus te kebpekidsevaha ta ki Jesu Kristu.

2 Timoteo 2:12

Ke ed-antus ki te kemeresayan ebpekehadì ki keuzemà duma kandin. Iyan, ke egkag̵i ki he kenè ki g̵aked din egkag̵i zaan sikandin keuzemà he kenè ki iyan gaked din.

Hibriyuhanen 10:23

Edhemenan tew is meheg̵et he kebperateng te kedtulusa kenitew keuzemà te wazà duwazuwa su netuenan tew he metinumanen is Megbevayà ne edhimuwen din is impenaad din kenitew.

Hibriyuhanen 3:6

Ne si Jesus mulà, Anak sikandin te Megbevayà he metinumanen is kebayàbayè din te valey. Ne iyan kiw valey zin emun edhemenan tew is kedsundan tew kandin wey is melipayen he kedteg̵azi tew te langun he impenaad kenitew ni Kristu.

Santiago 2:7

Hentei is edsumpalit te mahal he ngazan ni Jesus he iyan teg̵ig̵aked kenitew? Iyan is menge sepian.

Impezayag 11:3

Ne edsug̵uen ku zutun is dezuwa he ibpewali ku. Egkukumbalà sikandan te manggad he saku ne ebpenudtulen dan is ibpekag̵i kandan te Megbevayà seled te nengkelibu wey zezuwa he g̵atus wey keneman he andew.”

Impezayag 12:11

Heini is menge suled tew, nezaag dan en si Setanas tenged te kedtig̵is te lengesa te migeraran he impemuhat he nati he kerehidu, wey tenged te insangyew zan is tutuu he tuluuwen, wey tenged daan te wazè dan iyan menug̵uni is untung dan, kekenà, mibpehimatey zan tenged te kedtuu zan.

Impezayag 13:2

Ne haazà is langgam he neehè ku, ne iring te liyupardu; ne is menge paa zin ne iring te paa te biyir, ne is bèbè din ne iring te vèbè te erimaung. Ne is gehem te deragun wey is kebpekehadì din, wey is keg̵ehem din te kebayàbayà, ne imbeg̵ey zin dutun te langgam.

Impezayag 14:12

Ne tenged dutun, sikan is menge etew he neg̵aked te Megbevayà, sikan is ebpememineg te menge sug̵ù te Megbevayà wey edtuman te menge lalag ni Jesus, kinahanglan he med-antus sikandan.

Impezayag 17:14

Edtebeken dan sikan is nati he kerehidu ne egkezaag sikandan dutun te nati su egalen sikandin te minsan hentei he egalen wey hadì te minsan hentei he hadì. Ne is menge etew he edumahan dutun te nati, ne migeraran sikandan te menge impetuu wey menge pinilì, wey menge metinumanen he menge sumusundan te Megbevayà.”

Impezayag 17:6

Ne neehè ku he nelangut haazà is bahi te lengesa te menge tumutuu he midhimetayan din tenged te kedtuu zan ki Jesus. Ne utew a neinuinu te kegkeahaa ku zutun te vahi.

Impezayag 2:2

Netuenan ku is langun he menge ulaula niw; netuenan ku he edhag̵ù kew ne meinentusen kew te kemereg̵enan tenged te kedtuu niw. Netuenan ku zaan he kenè niw idtug̵ut he zuen menge lalung he etew he menge zuma niw, su sikan is menge etew he migkag̵i he menge epustul sikandan ni Jesus, migezaman niw ne zutun netuenan niw he kenà tutuu he menge epustul sikandan.

Impezayag 3:11

Meg̵aan e en ebpekeuma. Hemeni niw is tutuu he tuluuwen he netuenan niw su wey kenà igkeveg̵ey ziyà te zuma is suhul he ibeg̵ey keniyu ke ebpekezaag kew ki Setanas.

Impezayag 3:3

Kenè niw lipati is impenurù keniyu he midawat niw zengan, kekenà, hemeni niw ne ewaa niw ziyà te g̵ehinawa niw is kenè niw kedtuu. Su emun kenè niw ed-iniyug̵an is menge ulaula niw he mezaat, ebeyaan ku sikiyu zutun te timpu he kenà a keniyu ebpeebuten su iring te tekawen is kebpekeuma ku.