Impezayag 19:7 - Manobo Western Bukidnon

⁷ Edlilipey kiw utew ne edelig̵en tew sikandin tenged te zekelà he g̵ehem din! Su iyan en heini timpu he kegketuman te eseweey te nati he kerehidu. Is ed-esewaan te nati, ne mibistiyan en.

Impezayag 19:7 Кръстосани препратки

Mateo 1:20

Ne zutun te kemulu zin pa ed-isipa is iring kayi, mibpeteg̵einep kandin is belinsug̵uen te Nengazen. Ne ke sikandin te, “Sikew Jose, is kevuwazan ni Hadì David, kenè ka melenew he ebpengesawa ki Maria su meg̵ingey sikandin pinaag̵i te g̵ehem te Wag̵as he Mulin-ulin.

Mateo 22:2

Ke sikandin te, “Is kedhadì te Megbevayà he ziyà te langit, ne iring te hadì he midtukud te zekelà he keemuran su ebpengesawa is anak din.

Lucas 12:36

Su haazà is menge sulug̵uen, ne layun dan ed-andam ne kenè dan ed-evukan is sulù dan ne emun ebpekeuma haazà is egalen dan ne ebpenelehuzan diyà te pultahan ne petuluy zan egkepuwasi.

Juan 3:29

Penenglitan ke zuen mibpengesawa, ne naangken din en haazà is mid-esawa zin. Sikan is kumekag̵un dutun, utew meupiya is gehinawa zin emun egkezineg din haazà is mibpengesawa he ebpekidlalag en dutun te mid-esawa zin. Ne iring din ded daan su utew ibmeupiya te g̵ehinawa ku zaan ke mezakel is edsundan ki Jesus. Kinahanglan he ed-iseg is bentug̵an ni Jesus, iyan, is kedì, kinahanglan he egkeawà,” ke si Juan.

2 Kurintu 11:2

Su insavuk te Megbevayà kayi te kediey is dekelà he suat he kenè kew medsuwey te Nengazen. Iring kew te rag̵a he nekeg̵unan, iyan, iyan si Kristu ingkag̵un ku keniyu. Ne egkesuatan ku he wazà duma he ebpekeesawa keniyu.

Ipisu 5:23

Su is maama, duen din keg̵ehem te kebayàbayà te esawa zin, iring te si Kristu, duen keg̵ehem din te kebayàbayà kenitew te langun he menge tumutuu he iyan lawa zin. Midlibri kiw zin te silut is lawa zin.

Ipisu 5:32

Duen impezayag te Megbevayà kenitew kayi he utew tutuu, ne sumalà is kedsevuta ku kayi ne iyan ibpesavut din si Kristu wey sikitew is menge tumutuu.

Pilipus 3:3

Iyan kiw kes tutuu he menge sakup te Megbevayà, ne kenà iyan sikandan, su pinaag̵i te Wag̵as he Mulin-ulin ed-azap kiw te Megbevayà ne edlipey kiw tenged te upakat tew ki Jesu Kristu. Ne kenè tew iyan edserig̵an is kelibutanen he ulaula iring te kebpesirkunsidar.

Impezayag 11:13

Ne segugunà midlinug te utew mezesen. Ne nengerundus is ikesepulù he vahin te menge valey zutun te inged. Ne neg̵erà zutun te linug is pitu he libu he menge etew. Ne utew nengehandek dutun is menge etew he naawas dutun te linug ne midalig dan is mekeg̵eg̵ehem he Megbevayà he ziyà te langit.

Impezayag 19:9

Ne migkeg̵iyan a zutun te velinsug̵uen, ke sikandin te, “Isurat nu heini: Utew zeyzey is langun he ibpemetelavuk dutun te eseweey te nati he kerehidu.” Ne impelaus din haazà is lalag din te, “Iyan heini tutuu he menge Lalag te Megbevayà!”

Impezayag 21:2

Ne zutun neehè ku is inged te Megbevayà he Veg̵u he Hiruselim he idlugtanà he ebpuun te Megbevayà diyà te langit. Utew mekempet haazà is inged su is kekempet din ne iring te kekempet te vahi he ed-esewaan he nepurungan mebistiyi.

Impezayag 21:9

Ne zutun mid-uvayan a te sevaha zutun te pitu he velinsug̵uen he sikan is nen-ulà te pitu he lediyà he nepenù te pitu he huziyan en he idrasey te menusiyà, ne ke sikandin te, “Duma ka kedì su ibpeehè ku kenikew is ed-esawaan te nati he kerehidu.”