Impezayag 19:14 - Manobo Western Bukidnon

¹⁴ Ne ebpemeninundug kandin is utew medmezakel he menge sundaru he ebpuun diyà te langit. Ebpemen-untud dan daan te meputì he menge kudà ne nengesun-uzan dan te meputì he manggad he utew lumpiyu.

Impezayag 19:14 Кръстосани препратки

Mateo 21:5

“Tudtuli niw is menge meg̵inged diyà te Siyun te, ‘Ebpekeume en guntaan is hadì niw. Kenà meinit is kedhadì din keniyu ne ed-untud sikandin te nati te asnu;’ ” iyan heini lalag dutun te ebpeneuven.

Mateo 26:53

Wazè nu ve metueni he emun ebpetavang a te Amey ku he Megbevayà ne edliblibuwen is ibpehendini zin he velinsug̵uen din?

Mateo 28:3

Is dagwey zin, ne ebpekesirang su utew merayag, ne utew zaan meputì is ugelingen din.

2 Tiselunika 1:7

Ke ibpeg̵awag̵awa keuzemà is Nengazen tew he si Jesu Kristu he ebpuun te langit, id-awè din diyan te keniyu wey zini zaan te kenami is kemeresayan he egkeantus tew g̵untaan. Egkukumbalà sikandin te iring te regreg wey edumahan te menge mekeg̵eg̵ehem he menge velinsug̵uen din.

Hudas 1:14

Si Inuk, sikan is ikepitu he lapis he kevuwazan ni Adan, netagnè din dengan haazà is menge etew su migkag̵i sikandin te, “Keuzemà ebpekeuma is Nengazen he edumahan te liblibuwen he menge velinsug̵uen din

Impezayag 14:1

Ne zutun neehè ku is buntud he Siyun ne zutun edhithitindeg sikan is nati he kerehidu ne zuma zin daan dutun is nenggatus wey kepatan wey heepat he libu he menge etew. Ne haazà is menge etew, insurat diyà te menge vuked dan is ngazan dutun te nati wey is ngazan daan te Amey zin he Megbevayà.

Impezayag 14:20

Ne migunas haazà is beg̵as te paras dutun te vudsi he g̵awas te inged ne ebpuun dutun te vudsi midtudà is lengesa taman te tetelu he g̵atus wey keluwaan he kilumitru is netudaan ne sengemitrus wey tengà is kezalem din.

Impezayag 17:14

Edtebeken dan sikan is nati he kerehidu ne egkezaag sikandan dutun te nati su egalen sikandin te minsan hentei he egalen wey hadì te minsan hentei he hadì. Ne is menge etew he edumahan dutun te nati, ne migeraran sikandan te menge impetuu wey menge pinilì, wey menge metinumanen he menge sumusundan te Megbevayà.”

Impezayag 19:11

Ne zutun neehè ku is langit he nepuwasan ne zuen dutun kudà he meputì ne egkeserig̵an wey metinumanen is ed-untud dutun. Metazeng is kedhukum din ne metazeng daan is kebpekidtebek din te menge kuntada zin.

Impezayag 19:8

Ne is esawa te nati, mibeg̵ayan te ketenged te kebisti te manggad he meputì he merayag utew.” (Ne haazà is meputì he manggad, ne iyan kehulug̵an din is menge metazeng he ulaula te menge etew he g̵aked te Megbevayà.)

Impezayag 3:4

Deisey kew zà diyan te Sardis is wazà mevuringi is bisti zin, he ke và dà egkeg̵iya, wazà medtampu te mezaat he ulaula. Ne ebpekezuma kew kedì he edsun-uzan te meputì su zait kew he ebpekiduma kedì.

Impezayag 4:4

Ne zuen daan dutun keluwaan wey heepat he pinuuwà he nekeelingkus dutun te pinuuwà te edhadì. Ne zutun ebpememinuu is keluwaan wey heepat he ebmeg̵urangen. Meputì is bisti zan ne zuen insuup diyà te ulu zan he menge kuruna he vulawan.

Impezayag 7:9

Ne neipus haazà ne neehè ku is utew medmezakel he menge etew he kenè en egkevilang tuus te utew mezakel. Diyè dan ebpuun te minsan hendei he g̵inhedian wey tribu wey kepuun wey minsan hengkey he kineg̵iyan. Diyè dan ebpemenhitindeg te etuvangan te pinuuwà te Megbevayà wey ziyà te etuvangan te nati he kerehidu. Midsun-uzan sikandan te meputì ne ebpemengulangkulang dan te zehunen he menge subpang.