Impezayag 18:9 - Manobo Western Bukidnon

⁹ Ne is menge hadì dini te kelibutan he midtampu zutun te mezaat he ulaula zin he iyan is ked-ezapa zin te menge ledawan, ebpekesineg̵ew ne ebpekelelendag sikandan dutun emun egkeehè dan en is evel zutun te kebinsuli kandin.

Impezayag 18:9 Кръстосани препратки

1 Timoteo 5:11

Kenè niw ilista is menge menguhed he menge valu he vahi su zuen timpu he pinaag̵i te suat te lawa zan, egkesuat dan pa he ebpeesawa ebpeuman.

Impezayag 14:11

Ne haazà is hapuy he idrasey kandan, ed-evel te wazà pidtemanan ne te maandew wey mezukilem kenà egkeengked is kedresaya kandan su ed-ezapen dan kes langgam wey kes ledawan duen te langgam ne ebpemarka sikandan te tuus duen te ngazan te langgam.”

Impezayag 17:2

Nekehilavet kandin is menge hadì diyà te kelibutan. Ne is binu zin, he ke và dà egkeg̵iya, is ked-ezapa zin te menge ledawan, ingkelangut te menge meg̵inged diyà te kelibutan.”

Impezayag 18:18

ebpekezag̵ing dan is egkag̵i te, “Wazè pa inged he ebpekelavew keniyan te zekelà he inged!”

Impezayag 18:20

Ne sikiyu is menge meg̵inged diyà te langit, lipey kew tenged te limas kayi te zekelà he inged. Lipey kew zaan is menge tumutuu wey menge epustul wey ebpeneuven te Megbevayà su midsilutan te Megbevayà haazà is inged tenged te menge pesipala zin keniyu!

Impezayag 18:3

Umba neulaula heini su is bahi he iyan is inged he Bebilunya, impeinum din te langun he menge etew ziyà te langun he menge g̵inhedian is binu he iyan is ked-ezapa zin te menge ledawan. Is menge hadì diyà te tivuuk he kelibutan, ne midtampu zan dutun te memahawag he menge vaal zin. Ne is menge ebpemetig̵ayun diyà te kelibutan, midsepian dan pinaag̵i te suat dutun te vahi te menge utew mahal!”

Impezayag 18:7

Utew subra is kebpurungi zin te kebpekesavuk din ne g̵untaan iyan bales kandin is kegkeseeng wey is merasey he kebpekesavuk. Su kenà sikandin ed-engked he ebpegalbu, ke sikandin diyà te isip din te, ‘Bai a ne kenà a valu. Kenà egkehimu he egkeumahan a te kemereg̵enan.’

Impezayag 19:3

Ne mid-uman dan megkag̵i te, “Delig̵a is Megbevayà! Haazà is inged, kenà egkeawà te minsan keenu is ked-evel zutun te inged.”

Impezayag 2:22

Ne g̵untaan, ibpehizeg̵è ku su ebpigedahan ku sikandin te zaru. Ne sikiyu is edtampu kandin te memahawag he vaal, ebpigedahan ku zaan sikiyu te kemeresayan he utew mepait emun kenè niw ed-iniyug̵an haazà is menge ulaula zutun te vahi.