Impezayag 18:21 - Manobo Western Bukidnon

²¹ Ne zutun duen belinsug̵uen he mekeg̵eg̵ehem ne mibitbit din is batu he iring kezekelà te g̵elingan ne intimbag din diyà te zag̵at. Ne ke sikandin te, “Iring kayi is kegkepurung kegkezeeti te zekelà he inged he Bebilunya ne kenè en maan egkeahà te minsan hentei.

Impezayag 18:21 Кръстосани препратки

Impezayag 10:1

Ne zutun neehè ku is sevaha pa he mekeg̵eg̵ehem he velinsug̵uen he ebpenaug he ebpuun te langit. Midtaved diyà te kandin is gapun ne mibpeyungan is ulu zin te velugtu. Iring te kedsig̵a te andew is buked din ne is menge paa zin, ne henduen be te menge tukud he regreg.

Impezayag 12:8

iyan, nezaag haazà is uled ne sikandin wey is menge velinsug̵uen din, wazè en tug̵uti te Megbevayà he mekeseled dan pa maan diyà te langit, umba,

Impezayag 16:20

Ne nengehanew is langun he menge pulu ziyà te zag̵at. Ne nengehanew zaan is langun he menge vuntud.

Impezayag 18:10

Ne ebpekeziyù dan is ebpantew su egkehandek dan su kela ke meragkes sikandan dutun te kedèdeeti zutun te inged. Ne ke sikandan te, “Kehizu nu, sikew is utew zekelà he inged he Bebilunya su seled te sengeuras neumahan ka te silut!”

Impezayag 18:22

Kenè en maan egkezineg kayi te inged is ebpememulalà wey ebpememudyung wey ebpemeng-arpa. Ne kenè en maan egkeahà kayi is minsan hengkey he pandey. Ne is dag̵ing te ebpenggaling ne kenè en maan egkezineg kayi.

Impezayag 20:11

Ne zutun neehè ku is dekelà he meputì he pinuuwà te edhadì ne neehè ku zaan is ebpimpinuu zutun. Naawà is langit wey tanà diyà te etuvangan din ne nahanew ne kenè en maan sikandan egkeahà.

Impezayag 5:2

Ne zutun neehè ku is utew mezesen he velinsug̵uen te Megbevayà ne mibensag sikandin he egkag̵i te, “Hentei is dait he ed-abri kayi te velesahan? Hentei is dait he id-awè din heini is menge tiyap su wey mevasa heini?”