Impezayag 18:20 - Manobo Western Bukidnon

²⁰ Ne sikiyu is menge meg̵inged diyà te langit, lipey kew tenged te limas kayi te zekelà he inged. Lipey kew zaan is menge tumutuu wey menge epustul wey ebpeneuven te Megbevayà su midsilutan te Megbevayà haazà is inged tenged te menge pesipala zin keniyu!

Impezayag 18:20 Кръстосани препратки

Ipisu 2:20

Ne sikitew is menge tumutuu, iring kiw te valey he ibpehitindeg te Megbevayà diyà te vatu. Iyan si Kristu kes batu he edtukuzan kayi te valey. Is menge epustul wey ebpemeneuven te Megbevayà, ne iyan menge tukud. Ne iyan kew menge zuma he himan kayi te valey.

Ipisu 3:5

Dengan wazà heini ipezayag diyà te minsan hentei he menusiyà, iyan, guntaan, pinaag̵i te Wag̵as he Mulin-ulin, impezayag en te Megbevayà diyà te menge epustul wey ebpemeneuven din.

Ipisu 4:11

Iyan menge ketau he imbeg̵ey zin kenitew is: is duma, midhimu zin he epustul; ne is duma, midhimu zin sikandan he peneuva te Megbevayà; ne is duma, ne imbeg̵ey zin kandan is ketau wey zan ikesangyew is Meupiya he Tudtulanen; ne is duma pa, ne imbeg̵ey zin kandan is ketau wey zan meuwit wey mepenurù is menge tumutuu.

2 Pedro 3:2

Egkesuatan ku he meisip-isip niw is menge lalag he insurat dengan te ebpemeneuven te Megbevayà wey is sug̵ù te Nengazen tew he Menluluwas tew he imbeg̵ey zin kenitew pinaag̵i kenami te menge epustul.

Hudas 1:17

Tentenuzi niw, menge suled, is netagnà dengan te menge epustul he midsug̵ù te Nengazen tew he si Jesu Kristu.

Impezayag 12:12

Sikiyu is menge meg̵inged diyà te langit, medlipey kew. Iyan, sikiyu is diyan te tanà wey ziyan te zag̵at, kehizu niw! Su kes mezaat he mulin-ulin he si Setanas, mibpenaug en diyan te keniyu. Ne utew sikandin nererengiti su netuenan din he mevavè dà utew is nesamè din he timpu te kedlalunglalung.”

Impezayag 18:6

Is mid-ulaula zin keniyu he pesipala, iyan daan ul-ulaha niw kandin asal kezezuwa niw tekepa is menge vales niw kandin. Teg̵ayi niw is tasa zin te pauk te Megbevayà he ibpeinum kandin he kezezuwa edtekepa is kebpekelangut din kenà te impeinum din keniyu.

Impezayag 6:10

Ne mibpekezag̵ing dan is edhangyù, ke sikandan te, “Sikew is mekeg̵eg̵ehem he Nengazen, wag̵as ka wey metinumanen ka! Sengemenu kelug̵ayad is kebpeketag̵ad dey taman te kenè nu pa ebelesan te silut is menge etew ziyà te kelibutan tenged te kedhimetayi zan kenami?”