Impezayag 18:2 - Manobo Western Bukidnon

² Ne mibpekezag̵ing is egkag̵i te, “Neg̵erè en. Nepurung mezeeti is dekelà he inged he Bebilunya! Ne nehimu en guntaan he ubpeey te menge mezaat he mulin-ulin wey menge mezaat he kedesenan. Egkeubpaan haazà is inged te minsan hengkey he mezaat wey meremerik he tagbis.

Impezayag 18:2 Кръстосани препратки

Impezayag 1:15

Ne is menge paa zin, ne henduen be te g̵alang he midlangga he midlimbasan. Ne is lag̵eng din, ne henduen be te zeg̵urus te utew mezakel he menge wahig.

Impezayag 10:3

Ne mibpekezag̵ing sikandin is ed-umew ne is kezag̵ing te egkeg̵iyen din ne henduen te hinig̵er te erimaung. Ne zutun te ked-umew zin, mibales te pitu he veransì he utew mezag̵ing.

Impezayag 11:8

Ne ziyà ibperey-as haazà is lawa zan te kersada ziyà te zekelà he inged he zutun iransang te krus is Nengazen dan. Ne zuen insempità he menge ngazan dutun te inged, ne iyan is Suduma wey Ihiptu.

Impezayag 14:15

Ne zutun duen selakew he velinsug̵uen he migawas dutun te simbahan diyà te langit. Mibpekezag̵ing sikandin is egkag̵i ziyà te ebpimpinuu ziyà te g̵apun, ke sikandin te, “Gemita nu en is garab nu su iyan en heini timpu te kegarab su is kelibutan, iring te kamet he nelutuan en is pinemula zuen!”

Impezayag 14:8

Ne zuen daan ikezuwa he velinsug̵uen he nekesunud dutun te nehuna ne migkag̵i sikandin te, “Na, nezeetan en! Utew nezeeti is dekelà he inged he Bebilunya! Midlangut din te vinu zin is tivuuk he menusiyà, he ke và dà egkeg̵iya, impenurù din te tivuuk he menusiyà is ked-ezapa te menge ledawan!”

Impezayag 16:13

Ne neehè ku zutun is tetelu he menge utew memekehandekhandek he mezaat he mulin-ulin he henduen be te vakbak. Midlepew is sevaha he ebpuun duen te vèbà te zekelà he deragun he iyan si Setanas, ne is sevaha, diyà medlepew puun te vèbà duen te langgam, wey is sevaha zuen medlepew te vèbà te ebpeneuven ni Setanas.

Impezayag 16:19

Ne kes dekelà he inged he Bebilunya, neg̵evà te tetelu he vahin ne nengerundus is langun he menge inged diyà te minsan hendei he g̵inhedian. Ne wazà dutun melipati te Megbevayà is inged he Bebilunya he impeinum din te menge meg̵inged dutun is binu he ziyà te tasa zin, he ke và dà egkeg̵iya, impeg̵ezaman din kandan is utew mekelimlimezang he pauk din.

Impezayag 17:18

Ne haazà is bahi he egkeehè nu, ne iyan kehulug̵an din sikan is nevantug he inged he edlingahaan te menge hadì diyà te lumpad te kelibutan.”

Impezayag 17:5

Ne zuen insurat dutun te vuked din he ngazan he in-eles is kehulug̵an din he edhenduen te, “Kes nevantug he inged he Bebilunya he iyan iney, he ke và dà egkeg̵iya, puunà te minsan hentei he vahi he ebpelelevag wey minsan hengkey he mahawag he meremerik he ulaula zini te lumpad te kelibutan.”

Impezayag 18:10

Ne ebpekeziyù dan is ebpantew su egkehandek dan su kela ke meragkes sikandan dutun te kedèdeeti zutun te inged. Ne ke sikandan te, “Kehizu nu, sikew is utew zekelà he inged he Bebilunya su seled te sengeuras neumahan ka te silut!”

Impezayag 18:21

Ne zutun duen belinsug̵uen he mekeg̵eg̵ehem ne mibitbit din is batu he iring kezekelà te g̵elingan ne intimbag din diyà te zag̵at. Ne ke sikandin te, “Iring kayi is kegkepurung kegkezeeti te zekelà he inged he Bebilunya ne kenè en maan egkeahà te minsan hentei.

Impezayag 5:2

Ne zutun neehè ku is utew mezesen he velinsug̵uen te Megbevayà ne mibensag sikandin he egkag̵i te, “Hentei is dait he ed-abri kayi te velesahan? Hentei is dait he id-awè din heini is menge tiyap su wey mevasa heini?”