Impezayag 18:17 - Manobo Western Bukidnon

¹⁷ Iyan, seled te sengeuras dà, naamin mezeeti is langun he ketig̵eyunan dan!” ke sikandan. Ne is menge kepitan te barku wey is menge pesehiru wey menge edterebahu zutun te menge barku wey is langun he ebpemetig̵ayun pinaag̵i te zag̵at, ne ebpekeziyù dan is ebpantew ne emun egkeehè dan is evel zutun te kebinsuli zutun te inged,

Impezayag 18:17 Кръстосани препратки

Nengeulaula 27:11

Iyan, is serhintu zutun, wazè din pemineg̵a haazà is sambag ni Pablo su midsarig te lalag te kepitan wey lalag te teg̵ig̵aked dutun te barku.

Impezayag 17:12

Ne haazà is sepulù he sungey, ne iyan kehulug̵an dutun is sepulù pa he hadì he wazè pa medhadì. Haazà is sepulù he hadì wey haazà is langgam, ebeg̵ayan sikandan te keg̵ehem te kedhadì te meg̵aan dà.

Impezayag 17:16

Ne haazà is neehè nu he sepulù he sungey wey haazà is langgam, ne egkuntedehan dan haazà is bahi he ebpelelevag ne ed-eg̵awen dan is menge azen din ne edlevasan dan sikandin ne egkeenen dan is sapù din ne ebinsulan dan sikandin.

Impezayag 18:19

Ne tuus te utew ebmesakit is gehinawa zan, ebukbukan dan te eliyavuk is ulu zan. Ne edsineg̵ew zan ne edlelendag dan ne ke sikandan te, “Kenug̵un utew te zekelà he inged! Su insepian is ketig̵eyunan din te langun he teg̵ig̵aked te menge barku ziyà te zag̵at. Ne g̵untaan, seled dà te sengeuras, nepurung mezeeti is langun he menge valey zutun!” ke sikandan.