Impezayag 18:13 - Manobo Western Bukidnon

¹³ menge perehemut he egkekaan wey edtutungen, menge mehemut he sulù, menge vinu, lana, erina, wey parey he trigu, menge vaka, menge kerehidu, menge kudà, wey menge kelisa, wey minsan menge etew he uripen.

Impezayag 18:13 Кръстосани препратки

1 Timoteo 1:10

menge egkevut te kenè dan esawa, menge maama he egkeerig̵an te iring dan he maama, menge menggeg̵ebpà, menge teruen, menge ebpen-ulug te kewsa wey is minsan hentei he ebpekesupak is ulaula zin te hustu he tuluuwen.

2 Pedro 2:3

Tenged te suat dan te selapì, ebpenepian kew zan pinaag̵i te penurù dan he tarù. Daan en he midteg̵ana is silut kandan; andam en is Megbevayà te kedsilut kandan.

Impezayag 18:14

Ne is menge ebpemetig̵ayun, egkag̵i zan dutun te vahi he iyan is inged he Bebilunya, ke sikandan te, “Nepurung mezeeti is langun he menge meupiya he ed-engkenen nu pezem. Ne nezeetan en daan is ketig̵eyunan nu wey igkelipey nu, ne haazà, kenè nu en maan egkeahà,” ke sikandan.

Impezayag 18:15

Ne haazà is menge ebpemetig̵ayun he insepian dan is kebpemetig̵ayun dan dutun te inged, ebpekeziyù dan daan is ebpantew su egkehandek dan su kela ke meragkes dan dutun te kedèdeeti zutun he inged. Ebpekesineg̵ew zan ne edlelendag dan.