Impezayag 18:10 - Manobo Western Bukidnon

¹⁰ Ne ebpekeziyù dan is ebpantew su egkehandek dan su kela ke meragkes sikandan dutun te kedèdeeti zutun te inged. Ne ke sikandan te, “Kehizu nu, sikew is utew zekelà he inged he Bebilunya su seled te sengeuras neumahan ka te silut!”

Impezayag 18:10 Кръстосани препратки

Impezayag 11:8

Ne ziyà ibperey-as haazà is lawa zan te kersada ziyà te zekelà he inged he zutun iransang te krus is Nengazen dan. Ne zuen insempità he menge ngazan dutun te inged, ne iyan is Suduma wey Ihiptu.

Impezayag 14:8

Ne zuen daan ikezuwa he velinsug̵uen he nekesunud dutun te nehuna ne migkag̵i sikandin te, “Na, nezeetan en! Utew nezeeti is dekelà he inged he Bebilunya! Midlangut din te vinu zin is tivuuk he menusiyà, he ke và dà egkeg̵iya, impenurù din te tivuuk he menusiyà is ked-ezapa te menge ledawan!”

Impezayag 16:19

Ne kes dekelà he inged he Bebilunya, neg̵evà te tetelu he vahin ne nengerundus is langun he menge inged diyà te minsan hendei he g̵inhedian. Ne wazà dutun melipati te Megbevayà is inged he Bebilunya he impeinum din te menge meg̵inged dutun is binu he ziyà te tasa zin, he ke và dà egkeg̵iya, impeg̵ezaman din kandan is utew mekelimlimezang he pauk din.

Impezayag 17:12

Ne haazà is sepulù he sungey, ne iyan kehulug̵an dutun is sepulù pa he hadì he wazè pa medhadì. Haazà is sepulù he hadì wey haazà is langgam, ebeg̵ayan sikandan te keg̵ehem te kedhadì te meg̵aan dà.

Impezayag 18:18

ebpekezag̵ing dan is egkag̵i te, “Wazè pa inged he ebpekelavew keniyan te zekelà he inged!”

Impezayag 18:19

Ne tuus te utew ebmesakit is gehinawa zan, ebukbukan dan te eliyavuk is ulu zan. Ne edsineg̵ew zan ne edlelendag dan ne ke sikandan te, “Kenug̵un utew te zekelà he inged! Su insepian is ketig̵eyunan din te langun he teg̵ig̵aked te menge barku ziyà te zag̵at. Ne g̵untaan, seled dà te sengeuras, nepurung mezeeti is langun he menge valey zutun!” ke sikandan.

Impezayag 18:21

Ne zutun duen belinsug̵uen he mekeg̵eg̵ehem ne mibitbit din is batu he iring kezekelà te g̵elingan ne intimbag din diyà te zag̵at. Ne ke sikandin te, “Iring kayi is kegkepurung kegkezeeti te zekelà he inged he Bebilunya ne kenè en maan egkeahà te minsan hentei.

Impezayag 18:8

Ne tenged te iyan haazà neisip din, ne zutun te sengeandew, egkeumahan sikandin te kemeresayan. Su edsilutan sikandin te zaru, vitil, wey kemetayen; ne egkepurung sikandin egketutung su is Megbevayà he mekeg̵eg̵ehem he Nengazen te langun, iyan edsilut kandin.”