Impezayag 18:1 - Manobo Western Bukidnon

¹ Ne hein nepasad dutun te velinsug̵uen is egkeg̵iyen din, neehè ku is selakew pa he velinsug̵uen he ebpenaug pehendiyà te tanà he ebpuun te langit ne utew zekelà is keg̵ehem din. Ne utew merayag is ked-anlag din ne neenlag̵an din is minsan hendei zini te lumpad te kelibutan.

Impezayag 18:1 Кръстосани препратки

Lucas 17:24

Su is kedlikù ku, ne iring te kilat he ebpeketayew te tivuuk he tanà, ne egkeahà te minsan hentei.

2 Tiselunika 2:8

Ne zutun, human ebpeg̵awag̵awa sikan is utew mesinupaken he etew. Iyan, dutun te kebpekeuma ni Jesus edhimetayan sikandin ni Jesus pinaag̵i te mekeg̵eg̵ehem he anlag din; edhiyupen din dà ne segugunà ebpatey, ne egkeawà is gehem din.

Impezayag 10:1

Ne zutun neehè ku is sevaha pa he mekeg̵eg̵ehem he velinsug̵uen he ebpenaug he ebpuun te langit. Midtaved diyà te kandin is gapun ne mibpeyungan is ulu zin te velugtu. Iring te kedsig̵a te andew is buked din ne is menge paa zin, ne henduen be te menge tukud he regreg.

Impezayag 17:1

Ne migkeg̵iyan a te sevaha zutun te pitu he menge velinsug̵uen he egkulang dutun te pitu he menge lediyà, ke sikandin te, “Hendini ka su ibpeehè ku kenikew is kedsiluti zuen te nevantug he vahi he ebpelelevag he ebpinuu ziyà te mezakel he menge wahig.

Impezayag 17:7

Iyan, migkeg̵iyan a zutun te velinsug̵uen, ke sikandin te, “Maan is egkeinuinu ka? Ibpesavut ku kenikew is in-eles he kehulug̵an mehitenged keniyan te vahi wey keniyan te langgam he pitu is ulu zin ne sepulù is sungey zin he ed-untuzan keniyan te vahi.

Impezayag 21:23

Ne kenè en daan kinahanglan is anlag te andew wey vulan he idtayew zutun su haazà is inged, ed-enlag̵an en te mekeg̵eg̵ehem he anlag te Megbevayà; sikan is nati he kerehidu ne iyan sulù dutun.