Impezayag 17:3 - Manobo Western Bukidnon

³ Ne zutun pinaag̵i te g̵ehem te Wag̵as he Mulin-ulin mid-uwit a zuen te velinsug̵uen diyà te tanà he kenà ed-ubpaan te etew ne neehè ku zutun kes bahi. Ed-untud sikandin diyà te langgam he merig̵à. Ne haazà is langgam, insurat diyà te lawa zin is mezakel he menge gerar he utew supak te Megbevayà. Ne pitu is ulu zutun te langgam wey sepulù is sungey zin.

Impezayag 17:3 Кръстосани препратки

Mateo 27:28

Midlevasan dan si Jesus ne migkumbelaan dan sikandin te merig̵à he kumbalà su uvag kun hadì.

Nengeulaula 8:39

Ne hein migaun dan dutun te wahig, intik-ew in-awà dutun si Felipe te Wag̵as he Mulin-ulin ne nahanew te ked-ahà dutun te upisyal. Ne haazà is upisyal, midlaus pehendiyà te inged din ne utew zekelà is kelipey zin.

2 Tiselunika 2:4

Edsukulan din wey edlevawan din pezem is minsan hengkey he mid-isip te menge etew he megbevayà wey is minsan hengkey he ed-ezapen dan. Ne ebpinuu sikandin minsan diyà te simbahan he Valey te Megbevayà su egkeg̵iyen din he iyan sikandin Megbevayà.

Impezayag 1:10

Ne zutun te sevaha he andew he Duminggu, utew mezesen is ked-uwita kedì te Wag̵as he Mulin-ulin ne zuen impeehè din kedì. Diyà te egkeiniyug̵an ku nezineg ku is egkag̵i he iring te vudyung su utew mezag̵ing,

Impezayag 12:14

Ne haazà is bahi, mibeg̵ayan te Megbevayà te zezuwa he pakpak te zekelà he vanug su wey mekelayang wey mekeaput diyà te tanà he kenà ed-ubpaan te etew, ne zutun ed-elimahan sikandin seled te tetelu wey liwazà he tuig ne zutun kenè en egkekeizan dutun te uled.

Impezayag 12:3

Ne zutun duen pa impaahà kedì diyà te langit he kebpeelunga te egkeulaula. Duen utew zekelà he merig̵à he uled he egngezanan te deragun he iyan si Setanas. Pitu is ulu zin ne sepulù is sungey zin. Ne zuen kuruna ziyà te kada sevaha zutun te pitu he ulu zin.

Impezayag 12:6

Ne haazà is bahi, nekepelag̵uy pehendiyà te tanà he kenà ed-ubpaan te etew, diyà te ed-eputan he mid-andam he zaan te Megbevayà. Ne zutun ed-elimahan te Megbevayà haazà is bahi seled te nengkelibu wey zezuwa he g̵atus wey keneman he andew he repeng te tetelu wey liwazà he tuig.

Impezayag 17:18

Ne haazà is bahi he egkeehè nu, ne iyan kehulug̵an din sikan is nevantug he inged he edlingahaan te menge hadì diyà te lumpad te kelibutan.”

Impezayag 17:4

Ne haazà is bahi, ne midsun-uzan te utew mahal su merig̵à wey merudtem he manggad. Ne mideyzeyanan is lawa zin te vulawan wey menge mahal he vatu wey menge pirlas. Ne zutun te velad din is bulawan he tasa he nepenù te vinu he iyan is menge memahawag wey memeremerik he ulaula zin dutun te kebpelelevag din.

Impezayag 18:12

Wazè en ebpekepemasa te ibpemelegyè dan he vulawan, pelata, menge mahal he vatu wey pirlas, meupiya he manggad he meputì wey merig̵à wey manggad he sida, menge mehemut he kayu, menge vutang he mibeelan te mahal he kayu, wey vatu wey g̵alang wey putew, wey marpil, wey vatu he marmul,

Impezayag 18:16

Ne ke sikandan te, “Kenug̵un utew te zekelà he inged! Is menge meg̵inged dutun, ne nebistiyan te mahal he manggad he meputì wey merig̵à wey merudtem. Ne mideyzeyanan dan is lawa zan te vulawan wey menge mahal he vatu wey pirlas.

Impezayag 21:10

Ne zutun, pinaag̵i te g̵ehem te Wag̵as he Mulin-ulin mid-ag̵ak a te velinsug̵uen pehendiyà te utew metikang he vuntud. Ne impeehè din kediey is inged te Megbevayà he iyan sikan is inged he Hiruselim he idlugtanà he ebpuun te Megbevayà diyà te langit.

Impezayag 4:2

Ne zutun impehendiyà a te Wag̵as he Mulin-ulin. Ne hein diyè e en te langit, neehè ku is pinuuwà te edhadì ne zuen ebpimpinuu zutun.