Impezayag 17:2 - Manobo Western Bukidnon

² Nekehilavet kandin is menge hadì diyà te kelibutan. Ne is binu zin, he ke và dà egkeg̵iya, is ked-ezapa zin te menge ledawan, ingkelangut te menge meg̵inged diyà te kelibutan.”

Impezayag 17:2 Кръстосани препратки

Juan 2:10

ne migkeg̵iyan din te, “Sumalà te vetasan tew, ke zuen keemuran, ibpenag̵ey idhuna is utew metaam he vinu, ne emun dekelè en is egkeinum te menge etew human ebpeneg̵aya is kenà utew metaam. Iyan, sikew, guntaan nu en peneg̵aya heini is binu he utew metaam!” ke sikandin.

Impezayag 14:8

Ne zuen daan ikezuwa he velinsug̵uen he nekesunud dutun te nehuna ne migkag̵i sikandin te, “Na, nezeetan en! Utew nezeeti is dekelà he inged he Bebilunya! Midlangut din te vinu zin is tivuuk he menusiyà, he ke và dà egkeg̵iya, impenurù din te tivuuk he menusiyà is ked-ezapa te menge ledawan!”

Impezayag 17:13

Sevaha zà is tuyù dutun te sepulù he hadì ne edtevangan dan is langgam pinaag̵i te zesen dan wey keg̵ehem dan te kedhadì.

Impezayag 17:17

Umba ed-ul-ulahan dan haazà su is Megbevayà, midhimu zin he egkesuatan dan te edtuman is tuyù te Megbevayà. Ne tenged dutun sevaha zà is egkeisip dan ne idtavang dan te langgam is keg̵ehem dan te kedhadì taman te egkengetuman is nengetagnà he menge Lalag te Megbevayà.

Impezayag 17:5

Ne zuen insurat dutun te vuked din he ngazan he in-eles is kehulug̵an din he edhenduen te, “Kes nevantug he inged he Bebilunya he iyan iney, he ke và dà egkeg̵iya, puunà te minsan hentei he vahi he ebpelelevag wey minsan hengkey he mahawag he meremerik he ulaula zini te lumpad te kelibutan.”

Impezayag 17:8

Heeyan is langgam he egkeehè nu, ne zini sikandin te kelibutan dengan, iyan, wazè en guntaan. Ne meg̵aan en maan edlepew he ebpuun te vitu he wazà pidtemanan is kezalem din, ne zutun te kedlepew zin, id-agbur sikandin diyà te Impirnu su edsilutan. Ne is langun he menge etew he zengan te wazè pa limbag̵a is kelibutan, wazà isurat is menge ngazan dan diyà te libru he zutun ilista is langun he ebeg̵ayan te untung, utew zan egkengeinuinu zutun te ked-ehè dan te langgam. Iyan igkengeinuinu zan su haazà is langgam, dengan uuyag ne minatey en guntaan, iyan, egkevanhew zed.

Impezayag 18:23

Ne kenè en maan egketeyawan heini is inged te minsan hengkey he sulù. Ne is kegkag̵ikag̵i te vahi wey maama he sikan pa meked-esawa, ne kenè en maan egkezineg kayi te inged. Utew nengevantug diyà te tivuuk he kelibutan is menge ebpemetig̵ayun kayi ne mid-ekalan is menge etew ziyà te langun he menge g̵inhedian pinaag̵i te kinaagman te menge veyilan dutun.”

Impezayag 18:3

Umba neulaula heini su is bahi he iyan is inged he Bebilunya, impeinum din te langun he menge etew ziyà te langun he menge g̵inhedian is binu he iyan is ked-ezapa zin te menge ledawan. Is menge hadì diyà te tivuuk he kelibutan, ne midtampu zan dutun te memahawag he menge vaal zin. Ne is menge ebpemetig̵ayun diyà te kelibutan, midsepian dan pinaag̵i te suat dutun te vahi te menge utew mahal!”

Impezayag 18:9

Ne is menge hadì dini te kelibutan he midtampu zutun te mezaat he ulaula zin he iyan is ked-ezapa zin te menge ledawan, ebpekesineg̵ew ne ebpekelelendag sikandan dutun emun egkeehè dan en is evel zutun te kebinsuli kandin.

Impezayag 2:22

Ne g̵untaan, ibpehizeg̵è ku su ebpigedahan ku sikandin te zaru. Ne sikiyu is edtampu kandin te memahawag he vaal, ebpigedahan ku zaan sikiyu te kemeresayan he utew mepait emun kenè niw ed-iniyug̵an haazà is menge ulaula zutun te vahi.

Impezayag 3:10

Ne tenged te metinumanen kew te sug̵ù ku he med-antus kew, ebentayan ku sikiyu wey kew kenè en ebpekesag̵ad te limas he egkeantus te tivuuk he menusiyà he ibpenggezam kandan.

Impezayag 9:21

Ne wazè dan daan iniyug̵i is kebpemumunù, kinaagman, meremerik he ulaula, wey is kebpenakew zan.