Impezayag 17:14 - Manobo Western Bukidnon

¹⁴ Edtebeken dan sikan is nati he kerehidu ne egkezaag sikandan dutun te nati su egalen sikandin te minsan hentei he egalen wey hadì te minsan hentei he hadì. Ne is menge etew he edumahan dutun te nati, ne migeraran sikandan te menge impetuu wey menge pinilì, wey menge metinumanen he menge sumusundan te Megbevayà.”

Impezayag 17:14 Кръстосани препратки

Mateo 22:14

Ne mid-uman megkag̵i si Jesus te, “Mezakel he menge etew is midtawag te Megbevayà wey zin egkehedii, iyan, mezelag dà is egkepilì din.”

Mateo 25:40

Ne zutun, siak is hadì, edtavak a te, ‘Egkeg̵iyen ku keniyu he ke mid-ulaula niw heini ziyà te minsan sevaha kayi te menge suled ku, he ke và dà egkeg̵iya, menge tumutuu kedì, minsan ke utew minus is pid-etawen din, neulaula niw en heini ziyà te kedì.’

Mateo 28:18

Ne mid-uvayan sikandan ni Jesus, ne ke sikandin te, “Imbeg̵ey kedì is ke g̵ehem te kebayàbayà diyà te langit wey zini te tanà.

Juan 15:16

Kenè kew iyan nekepilì kediey, kekenà, iyan a nekepilì keniyu. Intezù ku sikiyu wey kew mekepemeg̵as te menge meupiya he ulaula ne wey kenà daan mahanew is beg̵as niw. Ne is minsan hengkey he ebuyuen niw ziyà te Amey ku he Megbevayà tenged te kedtuu niw kediey, ibeg̵ey zin keniyu.

Ruma 1:6

Ne sikiyu is diyan te inged he Ruma, inragkes kew zaan kayi te menge etew su midhimu te Megbevayà is paag̵i wey kew meketuu ne wey kew mehimu he menge sakup ni Jesu Kristu.

Ruma 8:30

Ne zutun, sikitew is langun he mibpilì din wey mehimu he menge anak din, impetuu kiw zin daan. Ne kenà duen dà taman, su mid-isip kiw zin daan he metazeng he iring te wazè kiw mekesalà. Ne impenaad din daan he zuen timpu keuzemà he edtulusen kiw zin.

Ruma 8:37

Ne minsan pa ke egkerasey ki kenè ki ebpetalew su ebpekeveg̵ey kenita te kelipey is ked-entusa ta kayi, ne pinaag̵i te g̵ehem ni Kristu, iyan ki ebpekezaag su utew zekelà is gag̵ew zin kenita.

1 Kurintu 15:24

Ne zutun te egkeuma is ketepusan he andew he zutun id-awà ni Kristu is minsan hengkey he kuntada zin he edhadì wey ebayàbayà wey zuen din gehem. Ne zutun ibeg̵ey zin diyà te Amey zin he Megbevayà is keg̵ehem din te kedhadì.

1 Timoteo 6:15

Ibpelikù si Jesus te Megbevayà ke egketuman en is hustu he timpu. Iyan dà ebayàbayà te langun is Megbevayà. Iyan sikandin kes meupiya is kebpekesavuk din. Iyan sikandin ebayàbayà te minsan hentei he hadì wey zatù.

2 Timoteo 2:4

Sikan is mibpesundaru, ne kenà egkehimu he ed-ul-ulahan din is ed-ul-ulahan te kenà sundaru, su kinahanglan he layun sikandin andam te kebpenunuat te egalen din.

1 Pedro 2:9

Iyan, sikitew mulà, pinilì kiw zin. Menge memumuhat kiw te mibpilì he hadì he iyan si Kristu. Iyan kiw menge sakup din; iyan kiw menge g̵aked din he etew. Umba mibpilì kiw zin su wey tew mesangyew is tudtul te utew egkein-inuwan he menge vaal zin. Iyan sikandin nengelintau wey kiw meketuu wey kiw maawà dutun te kerusireman. Ne g̵untaan edteyawan kiw zin, he ke và dà egkeg̵iya, utew en meupiya is kedtuvazi zin kenitew.

Impezayag 11:7

Ne heini is dezuwa he menwewali, emun egketapus dan is kebpenudtula zan te Lalag te Megbevayà, edtebeken sikandan te langgam he ziyà ebpuun te vitu he wazà pidtemanan is kezalem din. Ne egkezaag sikandan dutun te langgam, ne edhimetayan din sikandan.

Impezayag 16:14

Menge mezaat he mulin-ulin haazà he zuen dan gehem te kebaal te egkengein-inuwan. Midsug̵ù sikandan su ibpetig̵um kandan is menge sundaru te langun he menge hadì dini te kelibutan su zutun te egkevantug he andew te kedsilut, egkengezaag sikandan te Megbevayà he Nengazen te langun.

Impezayag 2:10

Kenè kew mahandek te meg̵aan niw en igkerasey. Si Setanas, meg̵aan din en ibpepirisu is duma keniyu su ebpenulayen kew zin. Ne seled te sepulù he andew ebpekeantus kew te kemereg̵enan. Mebmetinumanen kew te menge sug̵ù ku taman te kemetayen su ebeg̵ayan ku sikiyu te kuruna he iyan is untung he wazà pidtemanan.

Impezayag 2:13

Netuenan ku he sakup ni Setanas is inged niw. Ne minsan pa zutun midhemenan niw is kedtuu niw kedì ne wazè niw engkezi is menge penurù ku minsan dutun te kedhimetayi ki Entipas dengan. Metinumanen sikandin he ebpenudtul te menge lalag ku, ne midhimetayan sikandin diyan te inged niw he nesakup ni Setanas.

Impezayag 3:21

Is minsan hentei he ebpekezaag ki Setanas, ibeg̵ey ku kandin is ketenged te kebpinuu he zurug kedì diyà te pinuuwè ku te kedhadì iring te nekezaag a zaan ki Setanas ne mibpinuu a he zurug te Amey ku.