Impezayag 17:11 - Manobo Western Bukidnon

¹¹ Ne is kehulug̵an dutun te langgam he zengan uuyag ne g̵untaan minatey, ne ikewalu sikandin he hadì he edsunud dutun te pitu he hadì. Ne edsilutan sikandin daan keuzemà diyà te Impirnu.

Impezayag 17:11 Кръстосани препратки

Impezayag 13:10

Is menge etew he imbanglis kandan is kebpirisuwa kandan ne siguradu egkepirisu sikandan. Ne is menge etew he imbanglis kandan he g̵umaan is idhimatey kandan, gumaan iyan is idhimatey kandan. Kinahanglan he sikitew is menge tumutuu te Nengazen, edsarig kiw kandin wey ed-antus kiw te kemereg̵enan.

Impezayag 13:12

Ne haazà he langgam, iyan kes ebpeneuven ni Setanas ne migamit din is gehem duen te nehuna he langgam he iyan midsug̵ù kandin. Ne mibpeg̵es din is tivuuk he menusiyà he ezapa zan sikan is nehuna he langgam he neulian duen te palì din he hapit din ibpatey.

Impezayag 13:3

Nepelian is sevaha he ulu zutun te langgam ne henduen be te midhimetayan dengan haazà is ulu, iyan, neulian en haazà is gerabi he palì dutun ne uuyag en maan haazà is ulu. Ne tenged dutun is tivuuk he menusiyà, midsundanan dan haazà is langgam su utew zan ingkeinuinu.

Impezayag 17:8

Heeyan is langgam he egkeehè nu, ne zini sikandin te kelibutan dengan, iyan, wazè en guntaan. Ne meg̵aan en maan edlepew he ebpuun te vitu he wazà pidtemanan is kezalem din, ne zutun te kedlepew zin, id-agbur sikandin diyà te Impirnu su edsilutan. Ne is langun he menge etew he zengan te wazè pa limbag̵a is kelibutan, wazà isurat is menge ngazan dan diyà te libru he zutun ilista is langun he ebeg̵ayan te untung, utew zan egkengeinuinu zutun te ked-ehè dan te langgam. Iyan igkengeinuinu zan su haazà is langgam, dengan uuyag ne minatey en guntaan, iyan, egkevanhew zed.