Impezayag 17:1 - Manobo Western Bukidnon

¹ Ne migkeg̵iyan a te sevaha zutun te pitu he menge velinsug̵uen he egkulang dutun te pitu he menge lediyà, ke sikandin te, “Hendini ka su ibpeehè ku kenikew is kedsiluti zuen te nevantug he vahi he ebpelelevag he ebpinuu ziyà te mezakel he menge wahig.

Impezayag 17:1 Кръстосани препратки

Lucas 24:32

Ne mibpelelag̵à haazà is dezuwa he etew he egkag̵i te, “Umba ves utew ta nesuati g̵eina ziyà te zalan te ebpemineg is kedseysayi zin kenita zuen te Lalag te Megbevayà.”

Lucas 9:30

Ne netekewtekew mekepeg̵awag̵awa is dezuwa he maama he ebpekidlalag kandin he iyan si Moises wey si Elias, kes menge tipehuna he ebpeneuven te Megbevayà.

Impezayag 1:1

Iyan heini kedtudtula te impezayag ni Jesu Kristu. Insarig heini kandin te Megbevayà wey zin daan ikepesavut diyà te menge sulug̵uen te Megbevayà ke hengkey is meg̵aan en he egkengeulaula. Impesavut heini ni Kristu pinaag̵i te kedsug̵ua zin te velinsug̵uen din diyà te kediey te sulug̵uen din he si Juan.

Impezayag 15:1

Ne zutun neehè ku ziyà te langit is selakew pa he utew zekelà he egkein-inuwan he iyan kebpeelunga te egkeulaula. Duen pitu he velinsug̵uen ne is kada sevaha kandan, ne egkulangan te idrasey zin te menusiyà. Ne emun egkeulaula en heini ne egketapus en is idsilut kandan te Megbevayà dini te kelibutan.

Impezayag 16:19

Ne kes dekelà he inged he Bebilunya, neg̵evà te tetelu he vahin ne nengerundus is langun he menge inged diyà te minsan hendei he g̵inhedian. Ne wazà dutun melipati te Megbevayà is inged he Bebilunya he impeinum din te menge meg̵inged dutun is binu he ziyà te tasa zin, he ke và dà egkeg̵iya, impeg̵ezaman din kandan is utew mekelimlimezang he pauk din.

Impezayag 18:1

Ne hein nepasad dutun te velinsug̵uen is egkeg̵iyen din, neehè ku is selakew pa he velinsug̵uen he ebpenaug pehendiyà te tanà he ebpuun te langit ne utew zekelà is keg̵ehem din. Ne utew merayag is ked-anlag din ne neenlag̵an din is minsan hendei zini te lumpad te kelibutan.

Impezayag 19:2

Metazeng wey hustu is kukuman din su midsilutan din haazà is nevantug he ebpelelevag he vahi he pinaag̵i te meremerik he vaal zin, neeneb is tivuuk he kelibutan te ked-ezapa te menge ledawan. Midsilutan sikandin te Megbevayà su midhimetayan din is menge sulug̵uen te Megbevayà.”

Impezayag 19:9

Ne migkeg̵iyan a zutun te velinsug̵uen, ke sikandin te, “Isurat nu heini: Utew zeyzey is langun he ibpemetelavuk dutun te eseweey te nati he kerehidu.” Ne impelaus din haazà is lalag din te, “Iyan heini tutuu he menge Lalag te Megbevayà!”

Impezayag 21:15

Ne haazà is belinsug̵uen he ebpekidlalag kedì, egkulang sikandin te vulawan he mitrusan su edsukuzan din haazà is inged wey is elavet dutun wey haazà is menge pultahan.

Impezayag 21:9

Ne zutun mid-uvayan a te sevaha zutun te pitu he velinsug̵uen he sikan is nen-ulà te pitu he lediyà he nepenù te pitu he huziyan en he idrasey te menusiyà, ne ke sikandin te, “Duma ka kedì su ibpeehè ku kenikew is ed-esawaan te nati he kerehidu.”

Impezayag 4:1

Ne zutun selakew en maan is impaahà kediey te Nengazen. Neehè ku is gemawan diyà te langit he nepuwasan. Ne zuen dutun egkag̵i ziyà te kediey ne haazà is egkag̵i ne iyan ded sikan is nezineg ku hein aney he henduen is kezag̵ing din te vudyung he edag̵ing. Ne ke sikandin te, “Hendini ka te zivavew ne ibpeehè ku kenikew is kinahanglan he egkeulaula keuzemà.”