Impezayag 16:3 - Manobo Western Bukidnon

³ Ne haazà is ikezuwa he velinsug̵uen, mid-ulaan din diyà te zag̵at is lediyè he ziyà te kandin ne mibaluy is dag̵at he lengesa he iring te lengesa te etew he minatey. Ne zutun mibpematey is minsan hengkey ziyà te zag̵at he zuen din gehinawa.

Impezayag 16:3 Кръстосани препратки

Nengeulaula 2:41

Ne zutun, mezakel is nemeketuu te impesavut kandan ni Pedro ne mibpebewtismu sikandan. Ne zutun he andew neumanan kes menge tumutuu te tetelu he libu.

Impezayag 10:2

Ne ziyà te velad din egewezan din is nevekar en he zeisek he velesahan. Is kewanan he paa zin, ne ziyè din ig̵iek te lawed te zag̵at ne is givang, ne ziyà te tanà.

Impezayag 11:6

Ebeg̵ayan sikandan te g̵ehem su wey zan kenà ikepevayà is menge g̵apun su wey kenà ebpekeuzan dutun te timpu te kebpenudtula zan te Lalag te Megbevayà. Ne zuen daan gehem dan wey zan mehimu he lengesa is wahig diyà te menge kalut. Ne zuen daan gehem dan wey zan mesiluti is menge etew pinaag̵i te minsan hengkey he vangkit te minsan keenu he timpu he egkesuatan dan.

Impezayag 13:1

Ne zutun neehè ku is mekehandekhandek he langgam he egaun puun diyà te zag̵at. Sepulù is sungey zin wey pitu is ulu zin. Ne zuen kuruna he insuup diyà te kada sevaha he menge sungey zin, ne ziyà te kada ulu zin ne zuen insurat he ngazan he idsupak din te Megbevayà.