Impezayag 16:1 - Manobo Western Bukidnon

¹ Ne zutun nezineg ku is ebensag diyà te simbahan diyà te langit ne ke sikandin dutun te pitu he menge velinsug̵uen te, “Kuwaa niw en ne iitis niw ziyà te lumpad te kelibutan is tag̵ù keniyan te pitu he lediyà he iyan is pauk te Megbevayà!”

Impezayag 16:1 Кръстосани препратки

Impezayag 11:19

Ne ziyà te langit mibpuwasan is simbahan he Valey te Megbevayà ne naahà dutun te seled is kavan he midteg̵uan duen te insurat he menge pesarig te Megbevayà. Ne zutun neserasab is kilat, ne zuen utew memezag̵ing, ne mibpemeransì, ne midlinug, ne mibpenggiyew te utew zezekelà.

Impezayag 14:15

Ne zutun duen selakew he velinsug̵uen he migawas dutun te simbahan diyà te langit. Mibpekezag̵ing sikandin is egkag̵i ziyà te ebpimpinuu ziyà te g̵apun, ke sikandin te, “Gemita nu en is garab nu su iyan en heini timpu te kegarab su is kelibutan, iring te kamet he nelutuan en is pinemula zuen!”

Impezayag 14:18

Ne ziyà te pemuhatà he ziyà te simbahan, migawas is selakew pa he velinsug̵uen. Iyan sikandin belinsug̵uen he impevantey te hapuy zutun. Ne mibpekezag̵ing sikandin is egkag̵i ziyà te nesunuzan din he velinsug̵uen he zuen din meg̵arang he g̵arab. Ke sikandin te, “Gemita nu en heeyan is garab nu ne reg̵una nu is menge paras diyà te pemuleey he iyan is kelibutan su nengelutuan en is menge paras dutun.”

Impezayag 15:1

Ne zutun neehè ku ziyà te langit is selakew pa he utew zekelà he egkein-inuwan he iyan kebpeelunga te egkeulaula. Duen pitu he velinsug̵uen ne is kada sevaha kandan, ne egkulangan te idrasey zin te menusiyà. Ne emun egkeulaula en heini ne egketapus en is idsilut kandan te Megbevayà dini te kelibutan.

Impezayag 16:17

Ne zutun, is ikepitu he velinsug̵uen, mid-ulaan din diyà te keramag is lediyà he ziyà te kandin ne nezineg ku is egkag̵i he ziyà ebpuun te pinuuwà te edhadì he ziyà te simbahan, ke sikandin te, “Netapus en!”