Impezayag 15:7 - Manobo Western Bukidnon

⁷ Ne is sevaha zutun te heepat he linimbag he kedesenan, imbeg̵ey zin dutun te pitu he velinsug̵uen is pitu he menge vulawan he lediyà he nepenù te pauk te wazè din pidtemanan he Megbevayà.

Impezayag 15:7 Кръстосани препратки

1 Tiselunika 1:9

Nezineg dan en ne iyan sikandan ebpenudtul mehitenged te kegelg̵elawa niw kenami. Ebpenudtul zan he mid-engkezan niw kes ked-azap te menge kenà tutuu he ed-ezapen. Mid-engkezan niw kun wey kew mekeazap te tutuu he Megbevayà he wazè din kemetayen.

Impezayag 1:18

Iyan a kes Megbevayà he wazè din kemetayen. Mibpehimatey a ne g̵untaan kenà ad maan ebpatey te minsan keenu. Iyan a ebayàbayà te menge minatey, ne zuen ku zaan keg̵ehem diyà te Iveyaan.

Impezayag 10:6

Ne impepirmahan din is egkeg̵iyen din te wazà kemetayen he Megbevayà he nenlimbag te langit wey tanà wey zag̵at wey nenlimbag daan te langun he tag̵ù kayi. Ke sikandin te, “Kenè en heini ebpekesendud!

Impezayag 14:10

ne ibpeinum kandin is binu te pauk te Megbevayà, he ke và dà egkeg̵iya, silut kandin te Megbevayà, ne heini is mepait he vinu, midtag̵ey en te Megbevayà diyà te tasa he iyan sikan is meinit he pauk din. Ne haazà is menge etew, edresayen sikandan diyà te meregreg he esupri ziyà te Impirnu. Ne egkeahà haazà dutun te nati he kerehidu wey te menge velinsug̵uen te Megbevayà.

Impezayag 15:1

Ne zutun neehè ku ziyà te langit is selakew pa he utew zekelà he egkein-inuwan he iyan kebpeelunga te egkeulaula. Duen pitu he velinsug̵uen ne is kada sevaha kandan, ne egkulangan te idrasey zin te menusiyà. Ne emun egkeulaula en heini ne egketapus en is idsilut kandan te Megbevayà dini te kelibutan.

Impezayag 16:2

Ne haazà is egkehuna he velinsug̵uen, mid-ulaan din dini te kelibutan is lediyà he ziyà te kandin. Ne zutun, is menge etew he mibpemarka te tuus duen te langgam wey mid-azap dan haazà is ledawan dutun te langgam, midtuvuan sikandan te menge memahù wey utew memesakit he menge vekukang.

Impezayag 17:1

Ne migkeg̵iyan a te sevaha zutun te pitu he menge velinsug̵uen he egkulang dutun te pitu he menge lediyà, ke sikandin te, “Hendini ka su ibpeehè ku kenikew is kedsiluti zuen te nevantug he vahi he ebpelelevag he ebpinuu ziyà te mezakel he menge wahig.

Impezayag 21:9

Ne zutun mid-uvayan a te sevaha zutun te pitu he velinsug̵uen he sikan is nen-ulà te pitu he lediyà he nepenù te pitu he huziyan en he idrasey te menusiyà, ne ke sikandin te, “Duma ka kedì su ibpeehè ku kenikew is ed-esawaan te nati he kerehidu.”

Impezayag 4:10

keluwaan wey heepat he ebmeg̵urangen diyà te etuvangan din ne ed-ezapen dan is wazè din kemetayen he Megbevayà. Ne haazà is menge kuruna zan, idsavuk dan dutun te etuvangan te pinuuwà su ibeg̵ey zan diyà te Megbevayà. Ne zutun te kedsevuka zan dutun, edhabet dan egkag̵i te,

Impezayag 5:8

Ne hein nekuwa zin en haazà is belesahan, sikan is menge heepat he linimbag wey is menge keluwaan wey heepat he ebmeg̵urangen, midlangkeb dan diyà te etuvangan dutun te nati he kerehidu su ed-ezapen dan. Ne zuen arpa te uman sevaha zutun te menge ebmeg̵urangen ne zuen egewezan dan he menge lediyà he vulawan he nepenù te veyewà he edtutungen su wey zuen mehemut he evel ne iyan kehulug̵an dutun is menge ked-ampù te menge etew he g̵aked te Megbevayà.