Impezayag 15:1 - Manobo Western Bukidnon

¹ Ne zutun neehè ku ziyà te langit is selakew pa he utew zekelà he egkein-inuwan he iyan kebpeelunga te egkeulaula. Duen pitu he velinsug̵uen ne is kada sevaha kandan, ne egkulangan te idrasey zin te menusiyà. Ne emun egkeulaula en heini ne egketapus en is idsilut kandan te Megbevayà dini te kelibutan.

Impezayag 15:1 Кръстосани препратки

Impezayag 10:3

Ne mibpekezag̵ing sikandin is ed-umew ne is kezag̵ing te egkeg̵iyen din ne henduen te hinig̵er te erimaung. Ne zutun te ked-umew zin, mibales te pitu he veransì he utew mezag̵ing.

Impezayag 11:14

Ne zutun neipus haazà is ikezuwa he mekehandekhandek he hitavù, iyan, meg̵aan ebpekesunud dutun is iketelu.

Impezayag 14:10

ne ibpeinum kandin is binu te pauk te Megbevayà, he ke và dà egkeg̵iya, silut kandin te Megbevayà, ne heini is mepait he vinu, midtag̵ey en te Megbevayà diyà te tasa he iyan sikan is meinit he pauk din. Ne haazà is menge etew, edresayen sikandan diyà te meregreg he esupri ziyà te Impirnu. Ne egkeahà haazà dutun te nati he kerehidu wey te menge velinsug̵uen te Megbevayà.

Impezayag 14:19

Ne zutun migamit haazà is belinsug̵uen te g̵arab din dini te lumpad te kelibutan ne midrag̵un din is menge paras, he ke và dà egkeg̵iya, iyan is langun he menge etew he kuntada te Megbevayà. Ne is nerag̵un din, in-ahuk din diyà te zekelà he vudsi he zutun egkeresa is beg̵as te paras. Ne is kehulug̵an dutun te vudsi ne iyan is pauk te Megbevayà diyà te menge kuntada zin.

Impezayag 16:1

Ne zutun nezineg ku is ebensag diyà te simbahan diyà te langit ne ke sikandin dutun te pitu he menge velinsug̵uen te, “Kuwaa niw en ne iitis niw ziyà te lumpad te kelibutan is tag̵ù keniyan te pitu he lediyà he iyan is pauk te Megbevayà!”

Impezayag 17:1

Ne migkeg̵iyan a te sevaha zutun te pitu he menge velinsug̵uen he egkulang dutun te pitu he menge lediyà, ke sikandin te, “Hendini ka su ibpeehè ku kenikew is kedsiluti zuen te nevantug he vahi he ebpelelevag he ebpinuu ziyà te mezakel he menge wahig.

Impezayag 19:15

Ne midlepew ziyà te vèbè din is sundang he utew meg̵arang ne egemiten din haazà te kedsulituwa zin te langun he menge g̵inhedian dini te lumpad te kelibutan. Utew mezesen is kebayàbayè din kandan ne ibpeehè din is rerangit kandan te mekeg̵eg̵ehem he Megbevayà. Henduen sikandin te egkeres te menge kuntada zin, su ke và dà beg̵as te paras is menge etew ne henduen sikandin te egkeres te veg̵as te paras.

Impezayag 21:9

Ne zutun mid-uvayan a te sevaha zutun te pitu he velinsug̵uen he sikan is nen-ulà te pitu he lediyà he nepenù te pitu he huziyan en he idrasey te menusiyà, ne ke sikandin te, “Duma ka kedì su ibpeehè ku kenikew is ed-esawaan te nati he kerehidu.”

Impezayag 8:13

Ne zutun te kemulu ku pa kebantey nezineg ku is egkeg̵iyen te vanug he edlayang he utew mibpeketikang diyà te udtuwan. Ne ketetelu sikandin megkag̵i te mezag̵ing he lalag, ke sikandin te, “Kehizu utew te menge meg̵inged diyà te kelibutan.” Ne mid-uman sikandin megkag̵i te, “Utew mekehandekhandek is egkeulaula su meg̵aan en edhiyupa te tetelu pa he velinsug̵uen is menge vudyung dan!”

Impezayag 8:2

Ne zutun neehè ku sikan is pitu he menge velinsug̵uen te Megbevayà he ebpemenhitindeg diyà te etuvangan te Megbevayà, ne mibeg̵ayan is kada sevaha kandan te vudyung.

Impezayag 8:6

Ne zutun mid-andam haazà is pitu he menge velinsug̵uen su edhiyupen dan en is menge vudyung dan.

Impezayag 9:20

Ne is nesamà dutun te menge etew, langun te sikandan he wazà mepatey zutun te ebpemekekaid he menge kudà, wazè dan engkezi is ked-ezapa zan te mibeelan dan he menge ledawan he vulawan, wey selapì wey g̵alang wey vatu wey kayu. Heini is menge ledawan, ne kenà ebpekeahà, kenà ebpekezineg ne kenà daan ebpekehipanew. Wazà daan engkezi zutun te menge etew is ked-ezapa zan te menge mezaat he mulin-ulin.