Impezayag 14:7 - Manobo Western Bukidnon

⁷ Ne mibpekezag̵ing is egkag̵i te, “Tehuza niw is Megbevayà wey ventug̵a sikandin su neuma en is timpu te kedsusi zin te menge ulaula te tivuuk he menusiyà! Ezapa niw is Megbevayà he iyan nenlimbag te langit wey tanà wey zag̵at wey menge puunà te wahig!”

Impezayag 14:7 Кръстосани препратки

Mateo 25:13

Ne ke si Jesus te, “Iring dutun, kinahanglan he andam kew su wazè niw metueni ke hengkey he andew wey ke hengkey he uras is kedlikù ku.

Lucas 17:18

Maan is iyan ke zà is tigSemarya midlikù he edalig te Megbevayà?”

Nengeulaula 14:15

“Maan is ed-ezapen key keniyu, menge suled? Menge etew key zà daan; menusiyè key zaan iring keniyu! Midhendini key te inged niw wey zey ikepesavut keniyu is Meupiya he Tudtulanen wey niw meengkezi heini is menge ulaula niw he wazè din pulus ne wey niw zaan tuuwi is Megbevayà he wazè din kemetayen. Iyan sikandin nenlimbag te langit wey tanà wey zag̵at wey is minsan hengkey he tag̵ù kayi.

1 Pedro 4:7

Kenè en utew egkeug̵et is ketepusan te kelibutan. Ne tenged dutun, kinahanglan he hustu is ked-isip-isip niw. Kinahanglan daan he purungi niw is menge ulaula niw su wey mehustu is ked-ampù niw ziyà te Megbevayà.

Impezayag 11:13

Ne segugunà midlinug te utew mezesen. Ne nengerundus is ikesepulù he vahin te menge valey zutun te inged. Ne neg̵erà zutun te linug is pitu he libu he menge etew. Ne utew nengehandek dutun is menge etew he naawas dutun te linug ne midalig dan is mekeg̵eg̵ehem he Megbevayà he ziyà te langit.

Impezayag 11:18

Utew nengepauk kenikew is menge kuntada nu, iyan, netuman en is andew te kedsiluti nu kandan wey is andew te kedsusiya nu te nengeulaula te nemematey en. Iyan en heini timpu te kedsuhuli nu te menge sulug̵uen nu he menge ebpeneuven wey kedsuhuli nu zaan te langun he menge g̵aked nu he etew, se zekelà is pid-etawan din, se zeisek is pid-etawan din, is langun he edtahud kenikew. Iyan heini zaan timpu te kedèdeeti nu te langun he menge etew he midezaat te kelibutan!”

Impezayag 15:4

Ne edtehuzen ka te langun he menge etew ne ebentug̵en dan is ngazan nu te Nengazen. Su iyan ke zà wag̵as he Megbevayà. Edhendiyà te kenikew is langun he menge etew te minsan hendei he g̵inhedian ne ed-ezapen ke zan su nevantug en is menge vaal nu he memetazeng.”

Impezayag 16:9

Ne g̵eina te nengetutung is menge etew zutun te utew meinit, midsumpalit dan is Megbevayà su iyan sikandin ebayàbayà dutun te kedresaya kandan, iyan, wazè dan iniyug̵i is memezaat he ulaula zan ne wazè dan daan bentug̵a is Megbevayà.

Impezayag 18:10

Ne ebpekeziyù dan is ebpantew su egkehandek dan su kela ke meragkes sikandan dutun te kedèdeeti zutun te inged. Ne ke sikandan te, “Kehizu nu, sikew is utew zekelà he inged he Bebilunya su seled te sengeuras neumahan ka te silut!”

Impezayag 18:17

Iyan, seled te sengeuras dà, naamin mezeeti is langun he ketig̵eyunan dan!” ke sikandan. Ne is menge kepitan te barku wey is menge pesehiru wey menge edterebahu zutun te menge barku wey is langun he ebpemetig̵ayun pinaag̵i te zag̵at, ne ebpekeziyù dan is ebpantew ne emun egkeehè dan is evel zutun te kebinsuli zutun te inged,

Impezayag 18:19

Ne tuus te utew ebmesakit is gehinawa zan, ebukbukan dan te eliyavuk is ulu zan. Ne edsineg̵ew zan ne edlelendag dan ne ke sikandan te, “Kenug̵un utew te zekelà he inged! Su insepian is ketig̵eyunan din te langun he teg̵ig̵aked te menge barku ziyà te zag̵at. Ne g̵untaan, seled dà te sengeuras, nepurung mezeeti is langun he menge valey zutun!” ke sikandan.

Impezayag 19:5

Ne zutun nezineg ku is egkag̵i he henduen be te ebpuun dutun te pinuuwà te Megbevayà, ne ke sikandin te, “Sikiyu is menge sulug̵uen te Megbevayè tew, wey sikiyu is edtahud kandin, deisek is pid-etawan se zekelà is pid-etawan, delig̵a niw is Megbevayà!”

Impezayag 4:11

“He Nengazen dey he Megbevayà, dait ka he edelig̵en, dait ka he edtehuzen. Mekeg̵eg̵ehem ka su nenlimbag ka te minsan hengkey. Nesuat ka he edlimbag ne pinaag̵i kayi nehimu is langun.”

Impezayag 4:9

Ne haazà is heepat he linimbag, emun ebentug̵en dan wey edtehuzen dan wey ebpeselematan dan is wazà pidtemanan he Megbevayà he ebpimpinuu zutun te pinuuwà te edhadì, edlangkeb sikan is

Impezayag 8:10

Ne zutun midhiyup te iketelu he velinsug̵uen is kandin he vudyung ne ebpuun te langit neulug is dekelà he vituen he egkeregreg he iring te sulù ne ziyà meketanà haazà te iketelu he vahin te menge wahig wey ziyà te iketelu he vahin te menge kalut.