Impezayag 14:5 - Manobo Western Bukidnon

⁵ Ne wazà minsan keenu sikandan mezineg he edtarùtarù ne wazà neveelan dan he minsan hengkey he mezaat.

Impezayag 14:5 Кръстосани препратки

Mateo 12:34

Iring din ded daan kayi te keniyu. Wazà meupiya he egkekag̵i niw su memezaat is ulaula niw. Iring kew te menge uled su ebpekekaid kew! Is diyà te g̵ehinawa te etew, iyan edlepew ziyà te vèbè din.

Lucas 23:4

Ne zutun migkag̵i si Pilatu ziyà te menge punuan he memumuhat wey menge etew te, “Wazà netuenan ku he engayan he idsiluti kayi te etew,” ke sikandin.

Juan 1:47

Ne hein ebpelpelingguma zan en naahà ni Jesus si Natanael, ne ke si Jesus te, “Tutuu heini he kevuwazan ni Israyil su wazè din edtembunan.”

Ipisu 5:27

Elin daan idhimuwa zin kayi su wey kiw zin mezawat he esawa zin. Ne wazè en igkesawey zin kayi te kenitew su nepurung kiw en melumpiyuwi ne utew kiw mekempet diyà te kandin.

Kulusas 1:22

Ne minsan pa te iyan haazà, midhimu kew g̵untaan te Megbevayà he menge emig̵u zin pinaag̵i te kebpatey ni Kristu. Umba mibpehimatey si Kristu su wey kew mehimu he menge etew he wazà mezaat he ulaula ne wazà igkesumbunga keniyu keuzemà emun ibpeetuvang kew zin diyà te Amey zin he Megbevayà.

Hibriyuhanen 9:14

Ne emun egkehimu he egkelumpiyuwan haazà pinaag̵i zà te lengesa te menge vaka wey kambing, iyan pe be kenà utew pa lavew is egkelumpiyuwan pinaag̵i te lengesa ni Kristu. Su pinaag̵i te tavang te Wag̵as he Mulin-ulin he wazè din pidtemanan, impemuhat ni Kristu ziyà te Megbevayà is kandin he lawa; ne wazà igkesewayi kandin. Ne pinaag̵i te kebpelisi kenita te lengesa zin, in-awè din is menge salè ta wey is kebpekesarig ta te menge ulaula he wazè dan pulus. Ne tenged kayi ebpekeazap ki en te wazè din kemetayen he Megbevayà.

1 Pedro 1:19

Iyan imbelukas din si Kristu he impelengesa he utew mevali. Iring sikandin te nati he kerehidu he wazà igkesawey zuen he impemuhat.

1 Pedro 2:22

Wazà minsan hengkey he salà he neveelan ni Kristu. Wazà minsan hengkey he tarù he migkag̵i zin.

1 Pedro 3:10

Duen insurat he Lalag te Megbevayà he edhenduen te, “Sikan is egkesuat he meupiya is ked-ubpè din dini te kelibutan wey layun melipey, kinahanglan he kenà mezaat is kebpemèbè din ne kenà edtarùtarù.

Hudas 1:24

Utew zekelà is kebpeselemati tew te Megbevayà. Iyan metau he edtavang kenitew su wey kenè kiw mekesuwey ziyà te kandin. Iyan metau he id-etuvang kiw keuzemà kandin diyà te vulawan he ed-ulian he wazà igkesewayi kenitew he utew zekelà dutun is kelipey tew.