Impezayag 14:15 - Manobo Western Bukidnon

¹⁵ Ne zutun duen selakew he velinsug̵uen he migawas dutun te simbahan diyà te langit. Mibpekezag̵ing sikandin is egkag̵i ziyà te ebpimpinuu ziyà te g̵apun, ke sikandin te, “Gemita nu en is garab nu su iyan en heini timpu te kegarab su is kelibutan, iring te kamet he nelutuan en is pinemula zuen!”

Impezayag 14:15 Кръстосани препратки

Mateo 13:30

Ebpesegdanen tew zè pa taman te egkeuma is tirag̵un, ne human ku ibpepemazut te ebpemenlegtey is memezaat he pinemula, ne ibpepemagkes ku kandan su ebinsulan. Ne is memeupiya he pinemula, ibpezerengdeng ku mulà is beg̵as dan.’ ”

Mateo 13:39

Ne sikan is kuntada te etew, ne iyan en si Setanas. Ne is tirag̵un, iyan is ketepusan he timpu; ne sikan is ebpemenlegtey, iyan is menge velinsug̵uen te Megbevayà.

Mateo 23:32

Himesaza niw en is mezaat he ulaula he wazà mepasad te menge kepuun niw!

Marcos 4:29

Ne emun egkelutuan en haazà, edreg̵unen dutun te teg̵itanà su iyan en tirag̵un.”

1 Tiselunika 2:16

ne iring te egkuntedahan dan is tivuuk he menusiyà, su edsemuken key zan wey zey kenà ikesangyew is Lalag te Megbevayà he igkelibri te silut te menge etew he kenà menge Hudiyu. Ne ebpeniguduwan dan te ebaal is taman te egkehimu zan he salà. Ne g̵untaan in-andam en is silut kandan te Megbevayà.

Impezayag 11:19

Ne ziyà te langit mibpuwasan is simbahan he Valey te Megbevayà ne naahà dutun te seled is kavan he midteg̵uan duen te insurat he menge pesarig te Megbevayà. Ne zutun neserasab is kilat, ne zuen utew memezag̵ing, ne mibpemeransì, ne midlinug, ne mibpenggiyew te utew zezekelà.

Impezayag 13:12

Ne haazà he langgam, iyan kes ebpeneuven ni Setanas ne migamit din is gehem duen te nehuna he langgam he iyan midsug̵ù kandin. Ne mibpeg̵es din is tivuuk he menusiyà he ezapa zan sikan is nehuna he langgam he neulian duen te palì din he hapit din ibpatey.

Impezayag 14:14

Ne zutun neehè ku is gapun he utew meputì, ne zutun te g̵apun duen ebpimpinuu he henduen be te iyan sikan is Kakey te Menusiyà. Duen bulawan he kuruna he insuup diyà te ulu zin ne egawed te g̵arab he utew meg̵arang.

Impezayag 14:16

Ne zutun, haazà is ebpimpinuu zutun te g̵apun, migamit din haazà is garab din, ne midrag̵un ziyà te kelibutan.

Impezayag 14:17

Ne zutun neehè ku is selakew en maan he velinsug̵uen he migawas dutun te simbahan he ziyà te langit ne zuen daan kandin he egewezan he meg̵arang he g̵arab.

Impezayag 14:18

Ne ziyà te pemuhatà he ziyà te simbahan, migawas is selakew pa he velinsug̵uen. Iyan sikandin belinsug̵uen he impevantey te hapuy zutun. Ne mibpekezag̵ing sikandin is egkag̵i ziyà te nesunuzan din he velinsug̵uen he zuen din meg̵arang he g̵arab. Ke sikandin te, “Gemita nu en heeyan is garab nu ne reg̵una nu is menge paras diyà te pemuleey he iyan is kelibutan su nengelutuan en is menge paras dutun.”

Impezayag 15:6

Ne zutun te simbahan migawas sikan is pitu he velinsug̵uen he egkulangan te pitu he menge ibpenrasey te menusiyà. Midsun-uzan sikandan te manggad he utew meputì ne vevakes sikandan te vulawan.

Impezayag 16:17

Ne zutun, is ikepitu he velinsug̵uen, mid-ulaan din diyà te keramag is lediyà he ziyà te kandin ne nezineg ku is egkag̵i he ziyà ebpuun te pinuuwà te edhadì he ziyà te simbahan, ke sikandin te, “Netapus en!”

Impezayag 6:10

Ne mibpekezag̵ing dan is edhangyù, ke sikandan te, “Sikew is mekeg̵eg̵ehem he Nengazen, wag̵as ka wey metinumanen ka! Sengemenu kelug̵ayad is kebpeketag̵ad dey taman te kenè nu pa ebelesan te silut is menge etew ziyà te kelibutan tenged te kedhimetayi zan kenami?”