Impezayag 14:14 - Manobo Western Bukidnon

¹⁴ Ne zutun neehè ku is gapun he utew meputì, ne zutun te g̵apun duen ebpimpinuu he henduen be te iyan sikan is Kakey te Menusiyà. Duen bulawan he kuruna he insuup diyà te ulu zin ne egawed te g̵arab he utew meg̵arang.

Impezayag 14:14 Кръстосани препратки

Mateo 13:30

Ebpesegdanen tew zè pa taman te egkeuma is tirag̵un, ne human ku ibpepemazut te ebpemenlegtey is memezaat he pinemula, ne ibpepemagkes ku kandan su ebinsulan. Ne is memeupiya he pinemula, ibpezerengdeng ku mulà is beg̵as dan.’ ”

Mateo 17:5

Ne te kemulu pa heini is lalag ni Pedro, neselikuvungan sikandan te ebpenganlag he g̵apun. Ne ebpuun dutun te g̵apun nezineg dan is midtik-ew megkag̵i te, “Iyan heini sikan is Anak ku he utew ku minahal; ingkesuat ku utew sikandin. Pemineg̵a niw sikandin.”

Marcos 4:29

Ne emun egkelutuan en haazà, edreg̵unen dutun te teg̵itanà su iyan en tirag̵un.”

Lucas 21:27

Ne zutun, siak is Kakey te Menusiyà, egkeahà a ziyà te menge g̵apun is ebpekeuma he utew zekelà is gehem ku wey utew merayag is ked-anlag ku.

Hibriyuhanen 2:9

Ne minsan pa zutun, mibpeetew si Jesus ne pinaag̵i kayi midhimu he lavew kandin is menge velinsug̵uen taman te mevavè dà he timpu su wey tenged te zekelà he g̵ag̵ew te Megbevayà, mebpehimatey sikandin he elili te tivuuk he menusiyà. Ne tenged kayi te kebpehimatey zin, ne nehimu en sikandin guntaan he utew telehuzen wey utew belentug̵en ne imbeg̵ey kandin te Megbevayà is kebayàbayà te minsan hengkey.

Impezayag 1:13

Ne ziyà te teliwazà dutun te menge sulù, duen neehè ku he henduen be te etew. Melug̵ayad is kumbalè din ne mibevanda te vulawan.

Impezayag 1:7

Ebpekeuma si Jesu Kristu he ziyà egkeahà te menge g̵apun. Egkeahà sikandin te tivuuk he menusiyà ragkes is menge etew he mibpilak kandin dengan. Ne is langun he kelasi te menusiyà dini te kelibutan, ebpekesineg̵ew zan tenged kandin su egkehandek dan te silut. Metuman heini is langun.

Impezayag 10:1

Ne zutun neehè ku is sevaha pa he mekeg̵eg̵ehem he velinsug̵uen he ebpenaug he ebpuun te langit. Midtaved diyà te kandin is gapun ne mibpeyungan is ulu zin te velugtu. Iring te kedsig̵a te andew is buked din ne is menge paa zin, ne henduen be te menge tukud he regreg.

Impezayag 11:17

ne ke sikandan te, “Sikew is Megbevayè dey wey Nengazen dey, iyan ka ebayàbayà te langun. Megbevayè ka zengan wey g̵untaan. Ebpeselematan dey sikew su migamit nu is dekelà he g̵ehem nu ne g̵untaan mibpuunan nu en is kedhadì nu ziyà te kelibutan.

Impezayag 19:12

Is menge mata zin, ne henduen be te egkeregreg. Ne mezakel is menge kuruna he insuup diyà te ulu zin. Ne zuen ngazan he insurat diyà te kandin he iyan dà sikandin nesayud ke hengkey is kehulug̵an dutun.

Impezayag 20:11

Ne zutun neehè ku is dekelà he meputì he pinuuwà te edhadì ne neehè ku zaan is ebpimpinuu zutun. Naawà is langit wey tanà diyà te etuvangan din ne nahanew ne kenè en maan sikandan egkeahà.

Impezayag 6:2

Ne zutun neehè ku ziyà te etuvangan ku is kudà he meputì he midlepew ne is ed-untud dutun, duen egewezan din he panà. Ne mibeg̵ayan sikandin te kuruna he tuus te kebpekezaag din. Ne zutun midhipanew haazà su ebpenulitu te menusiyà.