Impezayag 13:8 - Manobo Western Bukidnon

⁸ Ed-ezapen haazà is langgam te langun he menge etew zini te kelibutan he wazà ikesurat is ngazan dan diyà te libru he zutun ilista is menge etew he ebeg̵ayan te untung. Iyan haazà kes libru zuen te nati he kerehidu he zengan dà imbanglis is kebpehimatey zin te wazè pa tukuza is kelibutan.

Impezayag 13:8 Кръстосани препратки

Mateo 25:34

Ne zutun, siak is hadì, ekeg̵iyan ku is menge etew ziyà te zapit te egkekewanan ku te, ‘Sikiyu is midtuvazan te Amey ku he Megbevayà, kayi kew su iyan kew edhedian ku. Su is kedhadì ku keniyu, integ̵ana en dengan puun pa te kedlimbag̵a te kelibutan.

Lucas 10:20

Iyan, kenè niw iyan ikelipey is kebpemineg̵a keniyu te menge mezaat he mulin-ulin, kekenà, ikelipey niw is menge ngazan niw he impelista te Megbevayà diyà te langit.”

Juan 1:29

Hein mid-ilis he andew zutun, naahà ni Juan si Jesus he edhendiyà te kandin, ne ke si Juan diyà te menge etew, “Iyan heini sikan is etew he egngezanan te ibpemuhat he Nati he Kerehidu he ibeg̵ey te Megbevayà su pinaag̵i kandin egkeawà is menge memezaat he ulaula te menusiyà.

Ipisu 1:4

Dengan te wazè pa limbag̵a is kelibutan, mibpilì kiw en te Megbevayà. Iyan impilia zin kenitew su wey kiw mehimu he menge sakup din he wazà igkesewayi zuen.

Pilipus 4:3

Ne sikew zaan is timbang ku ziyan, egkesuatan ku he tevangi nu heini is menge vahi wey zan heini metuman su mibpenigudu zan te kedtavang kedì te kedsengyawa ku te Meupiya he Tudtulanen. Ne elin daan si Clemente wey zuen pa menge zuma niw he midtavang kedì. Is menge ngazan dan te langun, ne nekesurat en diyà te libru te Megbevayà he zutun inlista zin is mibeg̵ayan te untung he wazè din pidtemanan.

Impezayag 12:15

Ne zutun, haazà is uled, impelepew zin diyà te vèbè din is dekelà he wahig su wey maanud haazà is bahi,

Impezayag 13:12

Ne haazà he langgam, iyan kes ebpeneuven ni Setanas ne migamit din is gehem duen te nehuna he langgam he iyan midsug̵ù kandin. Ne mibpeg̵es din is tivuuk he menusiyà he ezapa zan sikan is nehuna he langgam he neulian duen te palì din he hapit din ibpatey.

Impezayag 17:8

Heeyan is langgam he egkeehè nu, ne zini sikandin te kelibutan dengan, iyan, wazè en guntaan. Ne meg̵aan en maan edlepew he ebpuun te vitu he wazà pidtemanan is kezalem din, ne zutun te kedlepew zin, id-agbur sikandin diyà te Impirnu su edsilutan. Ne is langun he menge etew he zengan te wazè pa limbag̵a is kelibutan, wazà isurat is menge ngazan dan diyà te libru he zutun ilista is langun he ebeg̵ayan te untung, utew zan egkengeinuinu zutun te ked-ehè dan te langgam. Iyan igkengeinuinu zan su haazà is langgam, dengan uuyag ne minatey en guntaan, iyan, egkevanhew zed.

Impezayag 21:27

Iyan, wazà minsan hengkey he mezaat wey is minsan hentei he ebpenurù te tarù wey is etew he ed-azap te ledawan he ebpekeseled dutun. Iyan dà ebpekeseled dutun is menge etew he inlista is menge ngazan dan dutun te libru te nati he kerehidu he zutun idlista is ebpemeg̵ayan te untung he wazà pidtemanan.

Impezayag 3:10

Ne tenged te metinumanen kew te sug̵ù ku he med-antus kew, ebentayan ku sikiyu wey kew kenè en ebpekesag̵ad te limas he egkeantus te tivuuk he menusiyà he ibpenggezam kandan.

Impezayag 3:20

Pemineg kew su zini ad te g̵emawan niw is ebpenelehuzan. Ke zuen etew he ebpekezineg kediey ne ebpuwasan e zin, edseled a ne egkaan a zuma kandin, ne egkaan daan sikandin duma kediey.

Impezayag 3:5

Is minsan hentei he ebpekezaag ki Setanas, edsun-uzan sikandin te meputì ne kenè ku ebpenasen is ngazan din diyà te libru he zutun isurat is menge ngazan te ebeg̵ayan te untung he wazà pidtemanan. Ne ziyà te etuvangan te Amey ku he Megbevayà wey is menge velinsug̵uen din, ed-engkenen ku sikandin he g̵aked ku.

Impezayag 5:12

Ne migkanta zan is langun ne utew mezag̵ing is kegkanta zan. Ke sikandan te, “Is nati he kerehidu he mibpehimatey, dait sikandin he edelig̵en su dekelà is gehem din, dekelà is naazen din, dekelà is ketau zin, dekelà is desen din. Ebentug̵en dey, edtehuzen dey wey edelig̵en dey sikandin!”

Impezayag 5:13

Ne zutun nezineg ku is kegkanta te langun he menge linimbag he ziyà te langit, dini te tanà wey ziyà daan te zizalem te tanà wey ziyà te zag̵at. Ne migkanta is langun he linimbag he ziyà te minsan hendei. Ke sikandan te, “Is ebpimpinuu ziyà te pinuuwà te edhadì wey is nati he kerehidu, delig̵a sikandan, tehuza sikandan, wey ventug̵a sikandan te wazà pidtemanan su iyan dan mekeg̵eg̵ehem!”

Impezayag 6:1

Ne zutun mibantey a ne in-awà dutun te nati he kerehidu haazà is egkehuna zutun te pitu he tiyap dutun te velesahan, ne nezineg ku is migkag̵i te sevaha zutun te heepat he linimbag, ke sikandin te, “Na, genat ke en!” Ne iring te beransì is dag̵ing dutun te kegkag̵i zin.