Impezayag 12:6 - Manobo Western Bukidnon

⁶ Ne haazà is bahi, nekepelag̵uy pehendiyà te tanà he kenà ed-ubpaan te etew, diyà te ed-eputan he mid-andam he zaan te Megbevayà. Ne zutun ed-elimahan te Megbevayà haazà is bahi seled te nengkelibu wey zezuwa he g̵atus wey keneman he andew he repeng te tetelu wey liwazà he tuig.

Impezayag 12:6 Кръстосани препратки

Mateo 4:11

Ne zutun mid-awà si Setanas ne nekeuma is menge velinsug̵uen te Megbevayà ne imbeg̵ey zan ki Jesus is egkinehenglanen din.

Impezayag 12:14

Ne haazà is bahi, mibeg̵ayan te Megbevayà te zezuwa he pakpak te zekelà he vanug su wey mekelayang wey mekeaput diyà te tanà he kenà ed-ubpaan te etew, ne zutun ed-elimahan sikandin seled te tetelu wey liwazà he tuig ne zutun kenè en egkekeizan dutun te uled.

Impezayag 12:4

Ne pinaag̵i te ikug din neg̵uyud din is iketelu he vahin te menge vituen diyà te langit ne nemeketimbag haazà diyà te tanà. Ne zutun edhithitindeg haazà is uled te etuvangan dutun te vahi he ed-anak su emun idlusad en haazà is id-anak din, ne egkeenen dutun te uled.

Impezayag 13:5

Ne mibpesagdan te Megbevayà haazà is langgam he mekekag̵i sikandin te utew memezaat he ibpegalbu he menge lalag he ebpekesumpalit te Megbevayà. Ne midtug̵utan daan sikandin he mekevayàbayà seled te kepatan wey zezuwa he vulan.

Impezayag 17:3

Ne zutun pinaag̵i te g̵ehem te Wag̵as he Mulin-ulin mid-uwit a zuen te velinsug̵uen diyà te tanà he kenà ed-ubpaan te etew ne neehè ku zutun kes bahi. Ed-untud sikandin diyà te langgam he merig̵à. Ne haazà is langgam, insurat diyà te lawa zin is mezakel he menge gerar he utew supak te Megbevayà. Ne pitu is ulu zutun te langgam wey sepulù is sungey zin.