Impezayag 12:5 - Manobo Western Bukidnon

⁵ Ne zutun inlusad is batà he maama. Ne haazà is batà, edhedian din keuzemà is langun he menge g̵inhedian dini te kelibutan ne wazà ebpekesukul kandin dutun te kedhadì din. Ne haazà is batà, midsekelew te Megbevayà ne mibatun din diyà te langit, diyà te pinuuwà te kedhadì din.

Impezayag 12:5 Кръстосани препратки

Mateo 1:25

Iyan, wazè din si Maria uvayi taman te wazè pa mekeanak. Ne hein in-anak en haazà is batà, migngezanan ni Jose ki Jesus.

Marcos 16:19

Ne te kegkeipusa te Nengazen he si Jesus dutun te menge lalag din, mibatun sikandin pehendiyà te langit, ne mibpinuu ziyà te egkekewanan te Megbevayà.

2 Kurintu 12:2

Dengan, duen tumutuu he nekilala ku he mibpengelinteuwan he mekepenumbaley sikandin diyà te utew metikang he langit he ed-ubpaan te Megbevayà. Sepulù en wey heepat he tuig heini is kegkehitavù kayi. Wazè ku metueni ke nekehendiyè be is lawa zin wey ke impeehè dè be heini kandin te Megbevayà pinaag̵i te teg̵einep; iyan dà nesayud kayi is Megbevayà.

2 Kurintu 12:4

Ne zutun te kebpenumbaley zin diyà te langit duen nezineg din he kenà egkekag̵i pinaag̵i te kelibutanen he lalag ne kenà daan idtug̵ut he egkeg̵iyen te etew zà duen.

Impezayag 11:12

Ne zutun nezineg dutun te zezuwa he menwewali is mezag̵ing he egkag̵i ziyà te langit he edhenduen te, “Hendini kew en te langit.” Ne zutun mibatun sikandan pehendiyà te langit he nevukusan sikandan te g̵apun. Ne nengeahà haazà te menge kuntada zan dutun.

Impezayag 12:13

Ne hein netuenan dutun te deragun he zini sikandin itimbag te tanà, midtelukunan din sikan is bahi he iney zuen te vatà he maama.

Impezayag 12:2

Meg̵ingey sikandin ne ed-anak en ne ebpekeerang su ebeliliten.

Impezayag 19:15

Ne midlepew ziyà te vèbè din is sundang he utew meg̵arang ne egemiten din haazà te kedsulituwa zin te langun he menge g̵inhedian dini te lumpad te kelibutan. Utew mezesen is kebayàbayè din kandan ne ibpeehè din is rerangit kandan te mekeg̵eg̵ehem he Megbevayà. Henduen sikandin te egkeres te menge kuntada zin, su ke và dà beg̵as te paras is menge etew ne henduen sikandin te egkeres te veg̵as te paras.