Impezayag 12:1 - Manobo Western Bukidnon

¹ Ne zutun neehè ku ziyà te langit is kebpeelunga te egkeulaula. Neehè ku is bahi he midsun-uzan te andew ne ziyà te zizalem te paa zin is bulan, ne insuup diyà te ulu zin is kuruna he sepulù wey zezuwa he vituen.

Impezayag 12:1 Кръстосани препратки

Mateo 12:38

Ne zutun migkag̵i ziyà te ki Jesus is menge menunudlù te kesug̵uan wey menge Perisiyu te, “He Menunudlù, ipeehè key kenikew te singyal.”

Mateo 24:30

Ne zutun, siak is Kakey te Menusiyà, egkeahà diyà te langit is tuus te kebpekeuma ku. Ne zutun utew egkengeseeng is langun he menge etew zini te kelibutan. Ne egkeehè e zan is Kakey te Menusiyà diyà te menge g̵apun su ebpekeuma a. Ne utew zekelà is gehem ku wey utew merayag is ked-anlag ku.

Marcos 13:25

Ne egkengeulug is menge vituen diyà te langit ne egkengehuyung is menge kedesenan diyà te hewhewanan.

Lucas 21:11

Egkehitavù diyà te minsan hendei is menge mezesen he linug wey mepait he vitil ne ziyà te mezakel he menge inged ebpekeeneb is daru. Ne zuen egkeehè niw he utew igkeinuinu wey mekehandekhandek he singyal he ebpuun te langit.

Lucas 21:25

Ne zutun duen egkeehè niw he singyal ziyà te andew, vulan, wey menge vituen. Ne zini te kelibutan ne ebpekehuyab is gehinawa te tivuuk he menusiyà su egkezineg dan dutun is utew subra he kedselenuhug te zag̵at wey ebpemeteltelukuney he menge zezekelà he vag̵el.

Juan 3:29

Penenglitan ke zuen mibpengesawa, ne naangken din en haazà is mid-esawa zin. Sikan is kumekag̵un dutun, utew meupiya is gehinawa zin emun egkezineg din haazà is mibpengesawa he ebpekidlalag en dutun te mid-esawa zin. Ne iring din ded daan su utew ibmeupiya te g̵ehinawa ku zaan ke mezakel is edsundan ki Jesus. Kinahanglan he ed-iseg is bentug̵an ni Jesus, iyan, is kedì, kinahanglan he egkeawà,” ke si Juan.

Nengeulaula 2:19

Ne zuen menge egkengein-inuwan he singyal he ibpeehè ku ziyà te langit wey ziyan daan te lumpad. Egkeahà is lengesa wey hapuy wey zekelà he evel.

Ruma 13:14

Ne idsun-ud ta is Nengazen tew he si Jesu Kristu, he ke và dà egkeg̵iya, ed-ul-ulahan ta is ulaula zin. Ne kenè te en maan ed-isipen is kedtumana te menge mezaat he kebayà te lawa ta.

Ruma 3:22

Ed-isipen kiw te Megbevayà he metazeng emun edtuuwan tew si Jesu Kristu. Is minsan hentei he etew, ne ed-isipen te Megbevayà he metazeng emun edtuuwan din si Jesu Kristu su wazà ibpelavi te Megbevayà te minsan hentei he etew.

2 Kurintu 11:2

Su insavuk te Megbevayà kayi te kediey is dekelà he suat he kenè kew medsuwey te Nengazen. Iring kew te rag̵a he nekeg̵unan, iyan, iyan si Kristu ingkag̵un ku keniyu. Ne egkesuatan ku he wazà duma he ebpekeesawa keniyu.

Gelasya 3:27

Su midtuuwan niw si Jesu Kristu, ne nebewtismuwan kew he tuus te sumusundan kew zin, ne tenged dutun insun-ud niw si Kristu, he ke và dà egkeg̵iya, neiringan niw is menge ulaula ni Kristu.

Gelasya 4:26

Ne si Sara, haazà is esawa ni Abraham he kenà uripen, ne iyan kiw alung te kandin he menge anak su kenè kiw menge uripen te kesug̵uan.

Gelasya 6:14

Siak mulà, iyan ku zà ibpezalig is Nengazen tew he si Jesu Kristu he mibpehimatey he elili kenitew. Ne tenged te kebpehimatey zin, wazè e en meuripen te menge kelibutanen he kebayà, ne wazè en kayi g̵ehem te kebayàbayà kediey.

Ipisu 5:32

Duen impezayag te Megbevayà kenitew kayi he utew tutuu, ne sumalà is kedsevuta ku kayi ne iyan ibpesavut din si Kristu wey sikitew is menge tumutuu.

Impezayag 1:20

Ibpesavut ku kenikew is in-eles dengan he kehulug̵an kayi te pitu he vituen he neehè nu he egewezan ku te kewanan he velad ku wey is kehulug̵an kayi te pitu he sulù he vulawan. Is pitu he vituen, iyan alung te pitu he velinsug̵uen te Megbevayà he ebantey te pitu he gurupu te menge tumutuu. Ne heini is pitu he sulù, ne iyan sikan is pitu he gurupu te menge tumutuu.”

Impezayag 11:19

Ne ziyà te langit mibpuwasan is simbahan he Valey te Megbevayà ne naahà dutun te seled is kavan he midteg̵uan duen te insurat he menge pesarig te Megbevayà. Ne zutun neserasab is kilat, ne zuen utew memezag̵ing, ne mibpemeransì, ne midlinug, ne mibpenggiyew te utew zezekelà.

Impezayag 12:3

Ne zutun duen pa impaahà kedì diyà te langit he kebpeelunga te egkeulaula. Duen utew zekelà he merig̵à he uled he egngezanan te deragun he iyan si Setanas. Pitu is ulu zin ne sepulù is sungey zin. Ne zuen kuruna ziyà te kada sevaha zutun te pitu he ulu zin.

Impezayag 15:1

Ne zutun neehè ku ziyà te langit is selakew pa he utew zekelà he egkein-inuwan he iyan kebpeelunga te egkeulaula. Duen pitu he velinsug̵uen ne is kada sevaha kandan, ne egkulangan te idrasey zin te menusiyà. Ne emun egkeulaula en heini ne egketapus en is idsilut kandan te Megbevayà dini te kelibutan.

Impezayag 21:14

Ne is elavat dutun te inged, ne sepulù wey zezuwa is impepinuuwan dutun he zekelà he vatu. Ne midsuratan haazà is menge vatu te menge ngazan te sepulù wey zezuwa he menge epustul zuen te nati he kerehidu.

Impezayag 21:23

Ne kenè en daan kinahanglan is anlag te andew wey vulan he idtayew zutun su haazà is inged, ed-enlag̵an en te mekeg̵eg̵ehem he anlag te Megbevayà; sikan is nati he kerehidu ne iyan sulù dutun.