Impezayag 11:8 - Manobo Western Bukidnon

⁸ Ne ziyà ibperey-as haazà is lawa zan te kersada ziyà te zekelà he inged he zutun iransang te krus is Nengazen dan. Ne zuen insempità he menge ngazan dutun te inged, ne iyan is Suduma wey Ihiptu.

Impezayag 11:8 Кръстосани препратки

Mateo 10:15

Kenè niw lipati heini he lavew pa is idsilut te Megbevayà dutun te inged emun egkeuma keuzemà is andew te kedsilut, kenà te silut din dengan diyà te menge lalung he etew he meg̵inged diyà te inged he Suduma wey te inged he Gumura.

Nengeulaula 9:4

Ne nepiley sikandin diyà te tanà ne nezineg din is egkag̵i te, “He Seulu, maan is ebpesipelahan a kenikew?”

Hibriyuhanen 13:12

Iring din ded daan is neulaula ki Jesus su midhimetayan sikandin diyà te g̵awas te inged ne nehimu is lengesa zin he ibpalis te menge salè tew te menusiyà.

2 Pedro 2:6

Elin daan midsilutan dengan te Megbevayà is menge etew ziyà te menge inged he Suduma wey Gumura. Iyan dà meg̵inged dutun he midlibri zin ensi Lut su metazeng mulà si Lut. Nerasey si Lut he ed-isip-isip te meremerik he ulaula te menge mesinupaken he zuma zin. Andew-andew utew mezaat he ulaula is egkengezineg din wey egkengeehè din ne zutun utew mibmesakit is gehinawa zin. Ne tenged dutun te utew menge lalung mibinsulan te Megbevayà is inged dan su wey mesavut te minsan hentei ke hengkey is kedsiluti zin keuzemà dutun te menge etew he kenà ebpemineg te menge sug̵ù din.

Hudas 1:7

Isipa niw zaan is menge meg̵inged dutun te menge inged he Suduma wey Gumura wey is menge inged he uvey zutun. Neiringan dan haazà is menge velinsug̵uen su utew subra is mezaat he menge ulaula zan. Is menge maama zutun, ne kenà iyan dà is menge vahi midhilevetan dan, kekenà, neked-eerig̵è dan is pudu menge maama ne tenged dutun midsilutan sikandan te hapuy ne nehimu haazà he petizaan te Megbevayà te langun keuzemà he edsilutan din te hapuy he kenà egkeevukan.

Impezayag 11:13

Ne segugunà midlinug te utew mezesen. Ne nengerundus is ikesepulù he vahin te menge valey zutun te inged. Ne neg̵erà zutun te linug is pitu he libu he menge etew. Ne utew nengehandek dutun is menge etew he naawas dutun te linug ne midalig dan is mekeg̵eg̵ehem he Megbevayà he ziyà te langit.

Impezayag 11:9

Is langun he kelasi te menge etew te minsan hengkey he kineg̵iyan wey kepuun wey g̵inhedian, ne ed-ehaan dan is menge lawa zutun te zezuwa seled te tetelu wey liwazà he andew ne kenè dan idtug̵ut he ikeleveng haazà is dezuwa.

Impezayag 14:20

Ne migunas haazà is beg̵as te paras dutun te vudsi he g̵awas te inged ne ebpuun dutun te vudsi midtudà is lengesa taman te tetelu he g̵atus wey keluwaan he kilumitru is netudaan ne sengemitrus wey tengà is kezalem din.

Impezayag 14:8

Ne zuen daan ikezuwa he velinsug̵uen he nekesunud dutun te nehuna ne migkag̵i sikandin te, “Na, nezeetan en! Utew nezeeti is dekelà he inged he Bebilunya! Midlangut din te vinu zin is tivuuk he menusiyà, he ke và dà egkeg̵iya, impenurù din te tivuuk he menusiyà is ked-ezapa te menge ledawan!”

Impezayag 16:19

Ne kes dekelà he inged he Bebilunya, neg̵evà te tetelu he vahin ne nengerundus is langun he menge inged diyà te minsan hendei he g̵inhedian. Ne wazà dutun melipati te Megbevayà is inged he Bebilunya he impeinum din te menge meg̵inged dutun is binu he ziyà te tasa zin, he ke và dà egkeg̵iya, impeg̵ezaman din kandan is utew mekelimlimezang he pauk din.

Impezayag 17:1

Ne migkeg̵iyan a te sevaha zutun te pitu he menge velinsug̵uen he egkulang dutun te pitu he menge lediyà, ke sikandin te, “Hendini ka su ibpeehè ku kenikew is kedsiluti zuen te nevantug he vahi he ebpelelevag he ebpinuu ziyà te mezakel he menge wahig.

Impezayag 17:18

Ne haazà is bahi he egkeehè nu, ne iyan kehulug̵an din sikan is nevantug he inged he edlingahaan te menge hadì diyà te lumpad te kelibutan.”

Impezayag 17:5

Ne zuen insurat dutun te vuked din he ngazan he in-eles is kehulug̵an din he edhenduen te, “Kes nevantug he inged he Bebilunya he iyan iney, he ke và dà egkeg̵iya, puunà te minsan hentei he vahi he ebpelelevag wey minsan hengkey he mahawag he meremerik he ulaula zini te lumpad te kelibutan.”

Impezayag 18:10

Ne ebpekeziyù dan is ebpantew su egkehandek dan su kela ke meragkes sikandan dutun te kedèdeeti zutun te inged. Ne ke sikandan te, “Kehizu nu, sikew is utew zekelà he inged he Bebilunya su seled te sengeuras neumahan ka te silut!”

Impezayag 18:18

ebpekezag̵ing dan is egkag̵i te, “Wazè pa inged he ebpekelavew keniyan te zekelà he inged!”

Impezayag 18:2

Ne mibpekezag̵ing is egkag̵i te, “Neg̵erè en. Nepurung mezeeti is dekelà he inged he Bebilunya! Ne nehimu en guntaan he ubpeey te menge mezaat he mulin-ulin wey menge mezaat he kedesenan. Egkeubpaan haazà is inged te minsan hengkey he mezaat wey meremerik he tagbis.

Impezayag 18:21

Ne zutun duen belinsug̵uen he mekeg̵eg̵ehem ne mibitbit din is batu he iring kezekelà te g̵elingan ne intimbag din diyà te zag̵at. Ne ke sikandin te, “Iring kayi is kegkepurung kegkezeeti te zekelà he inged he Bebilunya ne kenè en maan egkeahà te minsan hentei.

Impezayag 18:24

Midsilutan is dekelà he inged he Bebilunya su zutun mid-ag̵as is lengesa te menge etew he g̵aked wey ebpeneuven te Megbevayà. Ne is langun he nevunù dini te tivuuk he kelibutan, ne pinaag̵i zaan kayi te inged.