Impezayag 11:15 - Manobo Western Bukidnon

¹⁵ Ne zutun midhiyup te ikepitu he velinsug̵uen is budyung din ne ziyà te langit nezineg is memezag̵ing he lag̵eng he edhenduen te, “Is kedhedii te tivuuk he menusiyà, ne ziyè en guntaan te Nengazen tew wey ziyà te hadì he mibpilì din. Ne heini he hadì, ebpekehadì sikandin te wazà pidtemanan.”

Impezayag 11:15 Кръстосани препратки

Mateo 24:31

Ne zutun edsug̵uen ku is menge velinsug̵uen ku ziyà te heepat he pesag̵i kayi te kelibutan ne ibpezag̵ing is budyung ne edtig̵umen dan is menge pinilì ku he etew he ebpemuun diyà te minsan hendei kayi te tivuuk he kelibutan.

Mateo 6:13

Ipekeziyù key kenikew te mezesen he penuley ne ilikey key kenikew ki Setanas.’

Lucas 1:33

Ne heini is anak nu, wazà pidtemanan te kedhedii zin keniyu te menge kevuwazan ni Hakub. Wazè en ketepusan te kedhadì din!”

Lucas 15:10

Ne migkag̵i si Jesus med-uman te, “Egkeg̵iyen ku keniyu he iring kayi is kedlipey ziyà te langit te menge velinsug̵uen te Megbevayà emun duen sevaha he mesinupaken he ed-iniyug̵an din is memezaat he ulaula zin.”

Lucas 15:6

Ne ke ebpekeuma sikandin diyà te valey zin ne ebpenewag̵en din is menge zuma zin wey menge siringan din ne ke sikandin te, ‘Edlipey kiw en su neehè ku zed heini is netazin he kerehidu ku.’ ”

Nengeulaula 4:26

Su migkayew en is menge hadì dini te kelibutan wey nengetig̵um is menge punuan su edtebeken dan is Nengazen wey egkuntedahan dan is mibpilì din he hadì.’

Hibriyuhanen 1:8

Ne iyan lalag din diyà te Anak din is: “Iyan ka Megbevayà ne wazà pidtemanan te kedhadì nu. Metazeng is kedumala nu te g̵inhedian nu.

Impezayag 10:7

Ne emun edhiyupen dutun te ikepitu he velinsug̵uen is budyung din, ne human dutun ed-ul-ulaha te Megbevayà is tuyù he in-eles din sumalà is migkag̵i zin dengan diyà te menge ebpeneuven din he menge sulug̵uen din.”

Impezayag 12:10

Ne zutun, nezineg ku is utew mezag̵ing he egkag̵i ziyà te langit he edhenduen te, “Guntaan egketuman en is kedlibriya te Megbevayà te menusiyà. Impeehè en te Megbevayà is keg̵ehem din te kedhadì. Is hadì he mibpilì te Megbevayà, impeehè din en is ketenged din te kedhadì. Su midsegseg en pehendiyà te tanà si Setanas, is edsumbung te menge suled tew. Iyan sikandin midsumbung kandan diyà te Megbevayà tew te maandew wey te mezukilem.

Impezayag 15:4

Ne edtehuzen ka te langun he menge etew ne ebentug̵en dan is ngazan nu te Nengazen. Su iyan ke zà wag̵as he Megbevayà. Edhendiyà te kenikew is langun he menge etew te minsan hendei he g̵inhedian ne ed-ezapen ke zan su nevantug en is menge vaal nu he memetazeng.”

Impezayag 16:17

Ne zutun, is ikepitu he velinsug̵uen, mid-ulaan din diyà te keramag is lediyà he ziyà te kandin ne nezineg ku is egkag̵i he ziyà ebpuun te pinuuwà te edhadì he ziyà te simbahan, ke sikandin te, “Netapus en!”

Impezayag 17:14

Edtebeken dan sikan is nati he kerehidu ne egkezaag sikandan dutun te nati su egalen sikandin te minsan hentei he egalen wey hadì te minsan hentei he hadì. Ne is menge etew he edumahan dutun te nati, ne migeraran sikandan te menge impetuu wey menge pinilì, wey menge metinumanen he menge sumusundan te Megbevayà.”

Impezayag 19:1

Ne nepasad haazà, nezineg ku ziyà te langit is utew meg̵urub he henduen be te utew mezakel he menge etew he egkag̵i te, “Delig̵a is Megbevayà su iyan sikandin mekeg̵eg̵ehem, iyan sikandin dekelà is bentug̵an din, iyan sikandin Menluluwas.

Impezayag 19:6

Ne nezineg ku is kegkag̵i zutun te utew medmezakel he menge etew he iring te zeg̵urus te utew zekelà he evag̵a wey henduen daan te egkengelilid he rug̵ung. Ke sikandan te, “Delig̵a is Megbevayà su is Megbevayè tew he mekeg̵eg̵ehem he Nengazen, ne iyan sikandin edhadì!

Impezayag 20:4

Ne zutun neehè ku is menge pinuuwà te edhadì. Ne is ebpememinuu zutun, mibeg̵ayan sikandan te keg̵ehem te kedhukum wey kebeg̵ey te kukuman. Neehè ku zaan is menge g̵imukud te menge etew he midhimetayan tenged te insangyew zan is Lalag te Megbevayà wey is impenurù ni Jesus. Wazè dan med-azap duen te langgam wey te ledawan te langgam, ne wazè dan daan mebpetiyap te tiyap te langgam diyà te vuked dan wey ke ziyè be te velad dan. Nengevanhew sikandan ne impehadì sikandan duma ki Kristu seled te nengkelibu he tuig.

Impezayag 8:12

Ne zutun midhiyup te ikeepat he velinsug̵uen is budyung din. Ne nesug̵at is iketelu he vahin te andew, wey is iketelu he vahin te vulan, wey is iketelu he vahin te menge vituen. Ne tenged kayi naawà is kerayag te iketelu he vahin te menge vituen. Ne seled te iketelu he vahin te timpu te kada andew, mibmerusirem utew. Ne iring din ded daan seled te iketelu he vahin te timpu te kada kezukileman.

Impezayag 9:1

Ne midhiyup dutun te ikelima he velinsug̵uen is budyung din ne zutun neehè ku is bituen, he ke và dà egkeg̵iya, belinsug̵uen he ziyè en te tanà su neulug he ebpuun te langit. Ne imbeg̵ey ziyà te kandin is yawi he ebpekepuwas te vitu he wazà pidtemanan is kezalem din.

Impezayag 9:13

Ne zutun midhiyup te ikeenem he velinsug̵uen is budyung din. Ne nezineg ku is egkag̵i he ziyà ebpuun te heepat he sungey he ziyà te vulawan he pemuhatà he zutun te etuvangan te Megbevayà.