Impezayag 11:12 - Manobo Western Bukidnon

¹² Ne zutun nezineg dutun te zezuwa he menwewali is mezag̵ing he egkag̵i ziyà te langit he edhenduen te, “Hendini kew en te langit.” Ne zutun mibatun sikandan pehendiyà te langit he nevukusan sikandan te g̵apun. Ne nengeahà haazà te menge kuntada zan dutun.

Impezayag 11:12 Кръстосани препратки

Lucas 16:23

Ne mid-uwit sikandin diyà te Iveyaan. Ne zutun ne utew sikandin nerasey ne hein nekelingahà, neehè din si Abraham, iyan, utew meziyù. Ne neehè din daan si Lazaro zutun te uvey ni Abraham.

Nengeulaula 1:9

Ne te nekag̵i ni Jesus haazà, nevatun sikandin pehendiyà te langit. Ne te kemulu zan pa edlingahà su ed-ahaan dan is kegkevatun din, neelangan si Jesus te g̵apun ne naawà sikandin diyà te ked-ehè dan.

1 Tiselunika 4:17

Ne human kiw is menge uuyag pa, ebpekezuma kiw zaan kandan diyà te menge g̵apun su edtelavuk kiw te Nengazen diyà te zivavew. Ne zutun kenè kiw en ebpekesuwey te Nengazen te wazà pidtemanan.

Impezayag 12:5

Ne zutun inlusad is batà he maama. Ne haazà is batà, edhedian din keuzemà is langun he menge g̵inhedian dini te kelibutan ne wazà ebpekesukul kandin dutun te kedhadì din. Ne haazà is batà, midsekelew te Megbevayà ne mibatun din diyà te langit, diyà te pinuuwà te kedhadì din.

Impezayag 3:21

Is minsan hentei he ebpekezaag ki Setanas, ibeg̵ey ku kandin is ketenged te kebpinuu he zurug kedì diyà te pinuuwè ku te kedhadì iring te nekezaag a zaan ki Setanas ne mibpinuu a he zurug te Amey ku.

Impezayag 4:1

Ne zutun selakew en maan is impaahà kediey te Nengazen. Neehè ku is gemawan diyà te langit he nepuwasan. Ne zuen dutun egkag̵i ziyà te kediey ne haazà is egkag̵i ne iyan ded sikan is nezineg ku hein aney he henduen is kezag̵ing din te vudyung he edag̵ing. Ne ke sikandin te, “Hendini ka te zivavew ne ibpeehè ku kenikew is kinahanglan he egkeulaula keuzemà.”