Ne is simbahan he Valey te Megbevayà he zutun ed-ezapa sikandin, kenà egkehimu he zutun daan ed-ezapa is menge tarù he ed-ezapen. Ne iring din ded daan sikitew is tumutuu su iyan kiw iring te valey he ed-ubpaan te wazè din kemetayen he Megbevayà. Su migkag̵i is Megbevayà te, “Edlumunan ku sikandan ne ebpekiduma a kandan ne egkehimu he iyan a edsimbahan dan he Megbevayà ne iyan sikandan menge g̵aked ku he etew.”
Impezayag 11:1 - Manobo Western Bukidnon1 Ne zutun, imbeg̵ey kedì is idsukud he iring te tuked, ne zuen migkag̵i kediey te, “Hendiyè ka ne sukuza nu is simbahan he Valey te Megbevayà wey is bangkù he pemuhatà dutun, ne vilanga nu is menge etew he edsimba zutun. Вижте главата |
Impezayag 11:1
15 Кръстосани препратки
Ne sikitew zaan is mibeg̵ayan te untung he wazà pidtemanan, ebpevayàbayè kiw kandin wey kiw zaan mehimu he iring te menge vatu he pengawid te valey he zutun ed-ezapa is Megbevayà. Ne zutun te valey zin edhimuwen kiw zin en he menge memumuhat he mibpilì din. Ne zutun, pinaag̵i te kedtavang ni Jesu Kristu, ebpekepemuhat kiw ne iyan pemuhat he egkesuatan din is: ed-ezapen tew sikandin pinaag̵i te Wag̵as he Mulin-ulin.
Iyan, sikitew mulà, pinilì kiw zin. Menge memumuhat kiw te mibpilì he hadì he iyan si Kristu. Iyan kiw menge sakup din; iyan kiw menge g̵aked din he etew. Umba mibpilì kiw zin su wey tew mesangyew is tudtul te utew egkein-inuwan he menge vaal zin. Iyan sikandin nengelintau wey kiw meketuu wey kiw maawà dutun te kerusireman. Ne g̵untaan edteyawan kiw zin, he ke và dà egkeg̵iya, utew en meupiya is kedtuvazi zin kenitew.
Реклами