Impezayag 10:3 - Manobo Western Bukidnon

³ Ne mibpekezag̵ing sikandin is ed-umew ne is kezag̵ing te egkeg̵iyen din ne henduen te hinig̵er te erimaung. Ne zutun te ked-umew zin, mibales te pitu he veransì he utew mezag̵ing.

Impezayag 10:3 Кръстосани препратки

Impezayag 14:2

Ne zutun nezineg ku is egkag̵i ziyà te langit ne is kegkag̵i zin, henduen be te zeg̵urus te utew mezakel he menge wahig wey iring te utew mezag̵ing he veransì. Haazà is egkag̵i he nezineg ku, ne henduen be zaan te menge zag̵ing te utew mezakel he ebpemen-arpa.

Impezayag 15:1

Ne zutun neehè ku ziyà te langit is selakew pa he utew zekelà he egkein-inuwan he iyan kebpeelunga te egkeulaula. Duen pitu he velinsug̵uen ne is kada sevaha kandan, ne egkulangan te idrasey zin te menusiyà. Ne emun egkeulaula en heini ne egketapus en is idsilut kandan te Megbevayà dini te kelibutan.

Impezayag 15:7

Ne is sevaha zutun te heepat he linimbag he kedesenan, imbeg̵ey zin dutun te pitu he velinsug̵uen is pitu he menge vulawan he lediyà he nepenù te pauk te wazè din pidtemanan he Megbevayà.

Impezayag 4:5

Ne haazà is pinuuwà te edhadì, egkeserasab is kilat dutun ne henduen te edsendag̵en is beransì. Ne ziyà te etuvangan dutun te pinuuwà is pitu he sulù he meregreg he iyan sikan is pitu he g̵ehem te Wag̵as he Mulin-ulin he edsug̵uen te Megbevayà.

Impezayag 8:5

Ne zutun, sikan is belinsug̵uen, mibpenù din is lediyè din te menge vag̵a he ebpuun dutun te pemuhatà ne intimbag din haazà is lediyà diyà te tanà puun dutun te langit. Ne zutun mibpemeransì, ne zuen utew memezag̵ing, ne egkeserasab is kilat, ne midlinug.