Impezayag 10:11 - Manobo Western Bukidnon

¹¹ Ne zutun duen migkag̵i zini te kediey, ke sikandin te, “Kinahanglan he iuman nu ipenudtul is ibpepenudtul kenikew te Megbevayà he egkeulaula te mezakel he menge hadì wey menge etew ziyà te minsan hendei he g̵inhedian wey minsan hengkey he kineg̵iyan.”

Impezayag 10:11 Кръстосани препратки

Impezayag 10:10

Ne migkuwa ku haazà is deisek he velesahan diyà te velad din, ne migkaan ku ne meemis iyan diyà te vèbè ku su iring te teneb, iyan, hein neeveleng ku, ne mibmepezes utew ziyà te g̵etek ku.

Impezayag 11:1

Ne zutun, imbeg̵ey kedì is idsukud he iring te tuked, ne zuen migkag̵i kediey te, “Hendiyè ka ne sukuza nu is simbahan he Valey te Megbevayà wey is bangkù he pemuhatà dutun, ne vilanga nu is menge etew he edsimba zutun.

Impezayag 11:9

Is langun he kelasi te menge etew te minsan hengkey he kineg̵iyan wey kepuun wey g̵inhedian, ne ed-ehaan dan is menge lawa zutun te zezuwa seled te tetelu wey liwazà he andew ne kenè dan idtug̵ut he ikeleveng haazà is dezuwa.

Impezayag 14:6

Ne zutun neehè ku en maan is selakew en maan he velinsug̵uen he edlayang he utew mibpeketikang diyà te udtuwan. Ibpesavut din dutun is Meupiya he Tudtulanen he kenà egkehanew te minsan keenu. Impesavut din haazà te tivuuk he menusiyà, diyà te menge etew te minsan hengkey he kineg̵iyan wey minsan hendei he g̵inhedian, wey tribu, wey kepuun.

Impezayag 17:10

Minatey en is lelima zutun te menge hadì, ne edhadì pa g̵untaan is sevaha, ne wazè pa medhadì is sevaha, iyan, emun edhadì en haazà ne meg̵aan dà utew is kedhadì din ne egkeawè en.

Impezayag 17:12

Ne haazà is sepulù he sungey, ne iyan kehulug̵an dutun is sepulù pa he hadì he wazè pa medhadì. Haazà is sepulù he hadì wey haazà is langgam, ebeg̵ayan sikandan te keg̵ehem te kedhadì te meg̵aan dà.

Impezayag 17:15

Ne zutun mid-uman megkag̵i haazà is belinsug̵uen diyà te kedì, ke sikandin te, “Haazà is menge wahig he neehè nu he zutun ebpinuu sikan is bahi, ne iyan kehulug̵an dutun is menge g̵inhedian wey kepuun wey utew medmezakel he menge etew he kenà ed-iring-iring is kineg̵iyan dan.

Impezayag 5:9

Ne egkanta zan te veg̵u en he kentahan, ke sikandan te, “Dait ka he egkuwa te velesahan wey ed-awà te menge tiyap din su mibpehimatey ka ne imbelukas nu is lengesa nu te menge etew wey maangken sikandan te Megbevayà. Ebpemuun sikandan diyà te minsan hengkey he kepuun wey kineg̵iyan wey tribu wey g̵inhedian.