Impezayag 1:19 - Manobo Western Bukidnon

¹⁹ Isurat nu is ibpeehè ku kenikew, is egkeehè nu he egkeulaula g̵untaan wey is egkeulaula pa keuzemà.

Impezayag 1:19 Кръстосани препратки

Impezayag 1:1

Iyan heini kedtudtula te impezayag ni Jesu Kristu. Insarig heini kandin te Megbevayà wey zin daan ikepesavut diyà te menge sulug̵uen te Megbevayà ke hengkey is meg̵aan en he egkengeulaula. Impesavut heini ni Kristu pinaag̵i te kedsug̵ua zin te velinsug̵uen din diyà te kediey te sulug̵uen din he si Juan.

Impezayag 1:11

ne ke sikandin te, “Is egkeehè nu, isurat nu ne ibpeuwit nu ziyà te pitu he menge gurupu te menge tumutuu he ziyà te menge inged he Ipisu, Ismirna, Pirgemu, Tiyetira, Sardis, Piledilpya, wey ziyà daan te inged he Leudisiya.”

Impezayag 1:12

Ne midlilingey ku wey ku maahà ke hentei is egkag̵i ne neehè ku is pitu he sulù he vulawan.

Impezayag 10:4

Ne zutun te kebales te veransì, idsurat ku pezem is nezineg ku, iyan, nezineg ku is egkag̵i ziyà te langit te, “Ieles nu is ibpesavut kayi te pitu he veransì ne kenè nu isurat.”

Impezayag 19:9

Ne migkeg̵iyan a zutun te velinsug̵uen, ke sikandin te, “Isurat nu heini: Utew zeyzey is langun he ibpemetelavuk dutun te eseweey te nati he kerehidu.” Ne impelaus din haazà is lalag din te, “Iyan heini tutuu he menge Lalag te Megbevayà!”