Impezayag 1:12 - Manobo Western Bukidnon

¹² Ne midlilingey ku wey ku maahà ke hentei is egkag̵i ne neehè ku is pitu he sulù he vulawan.

Impezayag 1:12 Кръстосани препратки

Impezayag 1:13

Ne ziyà te teliwazà dutun te menge sulù, duen neehè ku he henduen be te etew. Melug̵ayad is kumbalè din ne mibevanda te vulawan.

Impezayag 1:19

Isurat nu is ibpeehè ku kenikew, is egkeehè nu he egkeulaula g̵untaan wey is egkeulaula pa keuzemà.

Impezayag 1:20

Ibpesavut ku kenikew is in-eles dengan he kehulug̵an kayi te pitu he vituen he neehè nu he egewezan ku te kewanan he velad ku wey is kehulug̵an kayi te pitu he sulù he vulawan. Is pitu he vituen, iyan alung te pitu he velinsug̵uen te Megbevayà he ebantey te pitu he gurupu te menge tumutuu. Ne heini is pitu he sulù, ne iyan sikan is pitu he gurupu te menge tumutuu.”

Impezayag 2:1

Ne impelaus din is lalag din te, “Pesurati nu is belinsug̵uen te Megbevayà he ebantey te menge tumutuu he ziyà te inged he Ipisu, ne isurat nu is menge lalag ku ziyà, ke sikew te, ‘Siak si Jesus is egawed te pitu he vituen diyà te kewanan ku he velad ne iyan a zaan edhipanew kayi te teliwazà te pitu he sulù.

Impezayag 4:1

Ne zutun selakew en maan is impaahà kediey te Nengazen. Neehè ku is gemawan diyà te langit he nepuwasan. Ne zuen dutun egkag̵i ziyà te kediey ne haazà is egkag̵i ne iyan ded sikan is nezineg ku hein aney he henduen is kezag̵ing din te vudyung he edag̵ing. Ne ke sikandin te, “Hendini ka te zivavew ne ibpeehè ku kenikew is kinahanglan he egkeulaula keuzemà.”