Impezayag 1:10 - Manobo Western Bukidnon

¹⁰ Ne zutun te sevaha he andew he Duminggu, utew mezesen is ked-uwita kedì te Wag̵as he Mulin-ulin ne zuen impeehè din kedì. Diyà te egkeiniyug̵an ku nezineg ku is egkag̵i he iring te vudyung su utew mezag̵ing,

Impezayag 1:10 Кръстосани препратки

Mateo 22:43

“Ne emun iyan heeyan,” ke si Jesus, “maan is migkag̵i si David, pinaag̵i te ked-ulini kandin te Wag̵as he Mulin-ulin, he Nengazen din sikan is mibpilì te Megbevayà? Su migkag̵i zengan si David te,

Juan 20:19

Ne hein mezukilem dutun te andew he Duminggu, netig̵um haazà is menge sumusundan diyà te sevaha he valey he midlekevan dan su nahandek dan te menge punuan he menge Hudiyu. Ne netekewtekew zan te ziyà si Jesus te teliwazè dan ne ke sikandin te, “Berakat he mebmelinawen kew.”

Juan 20:26

Nekewalu pa zutun, nengetig̵um en maan haazà is menge sumusundan ni Jesus duen te netig̵uman dan ded he valey, ne zutun daan si Tomas. Midlekevan dan ded haazà is baley ne minsan pa zutun netekewtekew si Jesus mekehitindeg dutun te teliwazè dan. Ke sikandin te, “Berakat he mebmelinawen kew.”

Nengeulaula 20:7

Ne hein midsanlep en is andew zutun te andew he Sebadu midtig̵um key su wey zey metuman kes Wag̵as he Idlavung. Ne si Pablo, midweliyan din is menge etew ne taman te metaneb en is kezukileman te kedwali zin su zutun te egkepawà egenat sikandin.

1 Kurintu 12:3

Ne tenged kayi ibpesavut ku zaan keniyu he ke zuen etew he ed-ulinan te Wag̵as he Mulin-ulin, kenà egkehimu he egkeg̵iyen din he zait he edrewaken si Jesus, ne iring din ded daan kenà egkehimu he egkeg̵iyen din he Nengazen din si Jesus emun kenà pinaag̵i te ked-ulini kandin te Wag̵as he Mulin-ulin.

1 Kurintu 16:2

Ne kada Duminggu ne kinahanglan he teg̵enaha te kada sevaha keniyu is ibeg̵ey zin diyà te Megbevayà. Sumalà is netig̵eyunan niw ne kinahanglan he iteg̵eley niw is bahin te Megbevayà. Ne tipig̵i niw heini su wey emun ebpekeuma ad diyan ne wazè en kinahanglan he ed-emutè kew pa su zaan en he naandam.

Impezayag 17:3

Ne zutun pinaag̵i te g̵ehem te Wag̵as he Mulin-ulin mid-uwit a zuen te velinsug̵uen diyà te tanà he kenà ed-ubpaan te etew ne neehè ku zutun kes bahi. Ed-untud sikandin diyà te langgam he merig̵à. Ne haazà is langgam, insurat diyà te lawa zin is mezakel he menge gerar he utew supak te Megbevayà. Ne pitu is ulu zutun te langgam wey sepulù is sungey zin.

Impezayag 21:10

Ne zutun, pinaag̵i te g̵ehem te Wag̵as he Mulin-ulin mid-ag̵ak a te velinsug̵uen pehendiyà te utew metikang he vuntud. Ne impeehè din kediey is inged te Megbevayà he iyan sikan is inged he Hiruselim he idlugtanà he ebpuun te Megbevayà diyà te langit.